Եկեք՝ ԱԺ-ում քննարկենք «Հայփոստ»-ի, ԶՊՄԿ-ի, Ամուլսարի հարցերը, իրականացնենք աուդիտ. Տիգրան Աբրահամյան

ԱԺ «Ուժեղ Հայաստան» խմբակցության քարտուղար Տիգրան Աբրահամյանն առաջարկում է պետական մասնակցությամբ ընկերությունների գործունեության վերաբերյալ քննարկումներ, լսումներ անցկացվեն խորհրդարանում։

«Պարոն Կոնջորյան, ամենայն հարգանքով, ես չեմ ուզում այստեղ քննարկել, թե Ձր կինն ինչքան աշխատավարձ է ստանում, կարանք ստեղենք խորհրդարանական հարթակ, նաև այդ հարցերը քննարկենք։ Հիշատակում էիք, որ տարիներ առաջ այստեղ լսումներ են կազմակերպվել ու անցկացվել ՀԷՑ-ի գծով։ Մամուլը, մեր մյուս գործընկերները հարցեր են բարձրացնում, ասում են՝ «Հայփոստ»-ում այսպիսի վիճակ է, Զանգեզուրի պղնձամոլիբդենային կոմբինատում տենդերների հետ կապված այսպիսի վիճակն է, Ամուլսարում բարձր աշխատավարձով կառավարության ներկայացուցիչ կա։ Եկեք, քննարկենք, պարոն Թունյան»,-դիմելով ԱԺ տնտեսական հարցերի մշտական հանձնաժողովի նախկին նախագահ, ՔՊ-ական պատգամավոր Բաբկեն Թունյանին՝ ասաց Աբրահամյանը։

Որպես բիզնեսում ներգրավված մարդ նա առաջարկեց նաև այդ գործընթացում ներառել նաև աուդիտորական կազմակերպությունների, լսել այդ ընկերությունների կառավարման խորհուրդների ներկայացուցիչներին։

«Թող իրականացնեն ոչ միայն ֆինանսական, այլև տեխնիկական աուդիտ, ինչպես արել են տարիներ առաջ ՀԷՑ-ում, ստուգենք տենդերները»,-ասաց ընդդիմադիր ֆրակցիայի քարտուղարը։

Ելույթն ամբողջությամբ՝ տեսանյութում։
Աղբյուրը` Panorama.am