Իդլիբում զինյալները սադրանք են նախապատրաստում թուրքական զինուժի դեմ. ՌԴ ՊՆ
Սիրիայի Իդլիբ նահանգում գործող արմատական խմբավորումների զինյալները սադրանք են նախապատրաստում թուրքական զինուժի դեմ՝ գնդակոծմամբ. նոյեմբերի 3-ին կայացած ճեպազրույցում ասել է Սիրիայի Արաբական Հանրապետությունում պատերազմող կողմերի հաշտեցման ռուսական կենտրոնի փոխտնօրեն Ալեքսանդր Գրինկևիչը:
Նրա խոսքով՝ գրոհայինները մտադիր են կրակ արձակել թուրքական դիրքերի վրա ու դրանում մեղադրել սիրիացի զինվորականներին:
«Առկա տեղեկատվության համաձայն՝ ահաբեկչական կազմակերպությունների զինյալները ծրագրում են գնդակոծություններ իրականացնել Իդլիբ նահանգի Թեդիլ գյուղի տարածքում` ականանետերի և բազմաթիվ ռեակտիվ հրթիռային համակարգերի միջոցով»,- ասել է Գրինկևիչը:
«Ահաբեկիչները մտադիր են իրենց ռեսուրսներով հրթիռակոծության հետևանքների տեսագրությունը տեղադրել ինտերնետում, որպեսզի մեղադրեն Սիրիայի կառավարական ուժերին թուրքական զորքերի դիրքերը հարվածելու մեջ»,- բացատրել է նա:
Աղբյուր՝ Yerkir.am
Հետևեք մեզ Facebook-ում