Ռուսաստանում ինքնաթիռ է կալանավորվել՝ 40 տոննա մաքսանենգ ծխախոտով, որը Երևանից Աֆղանստան էր ուղևորվում

Չնայած փակ սահմանների և մաքսանենգության դեմ պայքարի միջոցառումների ուժեղացմանը, անհատ ձեռնարկատերերը, որոնք զբաղվում են ծխախոտի մաքսանենգությամբ, նույնիսկ այսօր փորձում են Ռուսաստանի տարածքով տեղափոխել տասնյակ տոննա կեղծ արտադրանք: Փակ աղբյուրներով օրեր շարունակ տեղեկություն էր ստացվում ՌԴ հարավում մաքսանենգ ծխախոտի ամենամեծ խմբաքանակը բացահայտելու մասին: Այժմ տեղեկատվությունը հաստատել են մի քանի աղբյուրներ: Այս մասին հայտնում է «Բոյլերնայա» Telegram-ալիքը:

Թելեգրամյան ալիքի տվյալներով՝ առգրավվել է 40 տոննա կամ 2700 տուփ հայկական ակցիզներով ծխախոտ, իսկ չվերթն իրականացվել է Երևանից: Բեռի ընդհանուր արժեքը շուրջ 300 միլիոն ռուբլի է:

Ըստ տեղեկությունների՝ օդանավը Երևանից մեկնում էր Աֆղանստան` Կրասնոդարում և Դուշանբեում կանգառներով:

«Ապօրինի ապրանքի նմանատիպ փոխադրումը շատ լավ հայտնի է և շատ հաճախ է կիրառվում»,-ասել է Amarkets վերլուծական վարչության ղեկավար Արտյոմ Դեևը: «Այս սկզբունքը շատ պարզ է. փաստաթղթերով բեռը երկրով անցնում է տարանցման միջոցով, այդ իսկ պատճառով քիչ ուշադրության է արժանանում: Սակայն հետո Ռուսաստանի տարածքում ապրանքը պատահաբար անհետանում է: Փաստաթղթերը «փակվում են» Ռուսաստանի տարածքից դուրս, և ստացվում է, որ բեռը տեղ է հասցվել: Սակայն փաստացիորեն ապօրինի ծխախոտներն արդեն վաղուց տարածվել են Ռուսաստանի վաճառակետերում: Ստացվում է հերթական «դադարեցված տարանցումը», որը հաճախ օգտագործում են ԵԱՏՄ երկրներից մաքսանենգ ապրանք բերելու համար»,-նշել է փորձագետը:

Ըստ թելեգրամյան ալիքի հաղորդագրության՝ ներկայում «ինքնաթիռն իր ամբողջ պարունակությամբ հետաքննության ընթացքում կմնա Կրասնոդարում»։

Zham.am