Արևմուտքը ցանկանում է շատ հրդեհներ բորբոքել Ռուսաստանի շուրջ. ՌԴ Դաշնային խորհրդի անդամը` Հայաստանում ԵՄ նոր առաքելության մասին

Եթե խոսքը ՀՀ տարածքում տեղակայվող դիտորդական խմբի մասին է, ապա դա վերաբերում է միայն հայկական կողմին, ՌԴ-ն չի կարող Հայաստանի փոխարեն որոշել, ՌԴ–ն կարող է միայն խորհուրդներ տալ և մասնակցել կարգավորման տարբեր ձևաչափերին, «Ռոսիա սեգոդնյա» մամուլի կենտրոնում ասաց Դաշնային խորհրդի միջազգային հարցերով կոմիտեի նախագահի տեղակալ Անդրեյ Կլիմովը։

ՌԴ-ն Հայաստանի հետ ուղիղ սահման չունի, բայց այն ամենը, ինչ տեղի է ունենում հետխորհրդային տարածքում, սերտորեն կապված է Ռուսաստանի հետ։ Եվ ՌԴ-ն երկխոսություն է վարում յուրաքանչյուր պետության հետ՝ հարգելով նրանց ինքնիշխանությունը։ Բայց երբ «ծովերից այն կողմ» գտնվողները սկսում են խառնվել, դա խանգարում է գործին։

«Միամտություն կլինի հավատալ, որ ներկա պայմաններում կա հակամարտության վերջնական լուծում, որը կբավարարի բոլորին։ Այս գործընթացը պահանջում է նրբություն և պրոֆեսիոնալիզմ։ Բայց, ցավոք, միջամտում են նրանք, ովքեր ցանկանում են «փայտ գցել կրակին»։

Մանրամասները՝ Sputnik Արմենիայի տեսանյութում: