ԱՄՆ-ն փորձում է ներքաշել Թուրքիային պատերազմի մեջ Ռուսաստանի դեմ

ԱՄՆ-ն հաստատեց այն տեղակատվությունը, համաձայն որի ամերիկացիները առաջարկել են Թուրքիային ռուսական S-400 համակարգերը տրամադրել Ուկրաինային իրենց «օդը» փակելու համար, որի դիմաց ԱՄՆ-ն կվերանայեր իր ծրագրերը Թուրքիային նոր դասի կործանիչներ  վաճառելու հարցում: Հիշեցնենք, որ Վաշինգտոնը մերժել էր վաճառել Թուրքիային F-35 նոր կործանիչները, քանի որ վերջինս գործարք էր  կնքել Մոսկվայի հետ S-400 համակարգերը ձեռք բերելու համար: Ավելին, ամերիկացիները նույնիսկ հին մոդելի F-16 նոր խմբաքանակի ինքնաթիռների վաճառքն էին սառեցրել Անկարային, ռուսների հետ գործարքի պատճառով: Եվ, ահա, երբ իրավիճակը կտրուկ փոխվեց ուկրաինական ուղղությամբ, ամերիկացիները սկսել են սիրաշահել Անկարային: Իսրաելի, Հունաստանի և Կիպրոսի համատեղ գազամուղի կառուցման ծրագրի խափանումից հետո, որն ուղղված էր Թուրքիայի դեմ, ամերիկացիները սկսել են համոզել Անկարային, որ նույնիսկ կարող են իրենց վաճառել գերժամանակակից F-35 կործանիչներ, եթե Թուրքիան իր S-400 համակարգերը տրամադրի Ուկրաինային: Անկարայի այս քայլը փաստացի կնշանակեր չհայատարարված պատերազմ Ռուսաստանի դեմ: Քանի որ ռուսական S-400 հսամակարգերը տրամադրվել էին Թուրքիային՝ պայմանով, որ դրանք չեն դուրս բերվի Թուրքիայի տարածքից:

Հասկանալի պատճառով Թուրքիան մերժեց ամերիկացիների առաջարկը: Սակայն միայն այդ փաստը հուշում է այն մասին, թե ինչի են պատրաստ ամերիկացիները, միայն թե ամեն կերպ վնաս հասցնեն ռուսներին:

Այս հանգամանքը մեզ ևս պիտի հուշի, որ տարբեր հաշվարկներ կատարելուց հասկանալի լինի, թե ինչ աստիճանի են  փչացած ռուս-ամերիկյան հարաբերությունները:

Սա է իրականությունը:

Արտակ Հակոբյան