Ռուս քաղաքագետը Կրեմլի քաղաքանության մասին՝ Թուրքիայի նկատմամբ

Ռուսական փորձագիտական շրջանակներում ավելի շատ են սկսում արտահայտվել այն մասին, որ ներկայիս Կրեմլի քաղաքականությունը Թուրքիայի նկատմամբ կրում է խիստ վտանգավոր բնույթ:

Վերջերս այդ խնդրի մասին է գրել նաև քաղաքագետ Ալեքսանդր Սավելևը: Ըստ նրա, վերջերս, երբ Թուրքիայի նախագահ Ռեջեփ Թայիփ Էրդողանն իր քաղաքական դաշնակից «Ազգայնական շարժման» առաջնորդ Դևլեթ Բախչելիի հետ աշխարհին ցույց եին տալիս  «թյուրքական աշխարհի» ապագա քարտեզը, այն ռուս հանրությանը, պետական գործիչներին պետք է ավելի շատ մտահոգեր, այլ ոչ թե անտեղի կատակներ հնչեին, թե իբր իսկական «թյուրքակական աշխարհի» կենտրոնը ոչ թե Ստամբուլն է, այլ ռուսական Ալթայի մարզը:

Ըստ Սավելևի, միջազգային հարաբերությունների ներկայիս ճգնաժամը, ԱՄՆ-ի՝ որպես գերտերություն, ազդեցության թուլացումը, անխուսափելիորեն ուժեղացրել է պոտենցիալ ռեգիոնալ տերությունների ազդեցությունը և, մասնավորապես, այս առիթից փորձում է օգտվել Թուրքիան: Եվ որ ամենակարևորն է, ըստ ռուս քաղաքագետի, Անկարայի էքսպանսիոնիստական նկրտումները ուղղված են հիմնականում նախկին ԽՍՀՄ-ի տարածքների վրա:

Վերջին թուրք-ադրբեջանական համատեղ հաղթանական Հայաստանի հանդեպ և դրանից հետո Փաշինյանի վերընտրվելը ցույց են տվել, որ հայ ժողովուրդը՝ որպես քաղաքական ազգ, լուրջ ճգնաժամի մեջ է հայտնվել, որից էլ էլ ավելի են ոգևորվել Անկարայում և Բաքվում:

Ավելին, ըստ ռուս քաղաքագետի, եթե մինջև հիմա Անկարայում նշում էին, որ Աադրբեջանի նկատմամբ վարելու են «մեկ ազգ երկու պետություն» քաղաքականությունն, ապա այդ երկրի ծայրահեղ շրջանակները ոգևորված առաջ են քաշում նոր բանաձև՝ «մեկ ազգ, մեկ պետություն», որը չի բացառվում, որ որոշ հանգամանքների պարագայում կյանքի կկոչվի:

Վերջերս, ըստ քաղաքագետի, Անկարայում որոշում կայացվեց, այսպես կոչված «թյուրքակական խորհուրդը» վերաձևակերպել «թյուրքական պետությունների» կազմակերպությանը, որը մոտ ապագայում կարող է ռազմաքաղաքական դաշինքի հանգեցնել:

Այդ դաշինքին փաստացի միացել է նաև Պակիստանը, որը  միջուկային  տերություն է: Այս բոլոր փաստերը հուշում են ռուս քաղաքագետին, որ Ռուսաստանում ձևավորվում է մի նոր ռազմաքաղաքական միավորում, ՆԱՏՕ-ի անդամ Թուրքիայի գլխավորությամբ: Ի դեպ, հիշեցնում է ռուս քաղաքագետը,  Թուրքիան այսօրվա ՆԱՏՕ-ում ունի թվով երկրորդ բանակը՝ ԱՄՆ-ի բանակից հետո:

Ըստ ռուս քաղաքագետի, Թուրքիայի ազդեցության մեծացումը Կենտրոնական Ասիայում, նշանակում է ՆԱՏՕ-ի ազդեցության մեծացում, որն ուղղված է լինելու հիմնականում Ռուսաստանի և Չինաստանի դեմ:

Դա են ցույց տալիս մի շարք փաստեր: Օրինակ, Անկարայի ակտիվ աջակցությունը Կիևին, ընդդեմ Մոսկվայի:

Վերջացնելով իր հոդվածը, ռուս քաղաքագետը նշում է, որ իր ողջ պատմության ընթացքում, Թուրքիան երբեք չի եղել Ռուսաստանի դաշնակիցը, փոխարենը, գրեթե բոլոր պատերազմներում Ռուսաստանն ու Թուրքիան միշտ եղել են տարբեր ճամբարներում, ինչը հուշում է, որ ներկայիս Մոսկվայի քաղաքականությունը Թուրքիայի հանդեպ կրում է շատ մակերեսային բնույթ, քանզի սեփական ձեռքերով ուժեղացնելով Թուրքիային, Ռուսաստանը ոչ հեռու ապագայում, կարող է իր տարածքներում, ստանալ ցնցումներ:

Zham.am