Գրզոն, Լֆիկը, Սասի Արտակը, Վիվարոյի Վիգենը, «Սպայկան» և այլ օլիգարխներ ակտիվորեն մասնակցում են Փաշինյանի և Էրդողանի հանրահավաքի կազմակերպմանը

Իշխանությունում Zham.am– ի աղբյուրները պնդում են, որ մի շարք օլիգարխներ և խոշոր ընկերություններ ակտիվորեն մասնակցում են Փաշինյանի և Էրդողանի` մարտի 1-ի հանրահավաքի կազմակերպմանը. Գրզոն (Խաչատուր Սուքիասյան), Լֆիկը (Սամվել Ալեքսանյան), Վիվարոյի Վիգենը (Վիգեն Բադալյան), «Սպայկան» (Դավիթ Ղազարյան), Menu.am-ը (Վահան Քերոբյան), Սասի Արտակը (Արտակ Սարգսյան):

Էրդողանի հանրահավաքի զանգվածային բնույթն ապահովելու համար մոբիլիզացվել են բոլոր մարզպետտարանները, բոլոր քաղաքապետարանները և գյուղական համայնքների բոլոր ղեկավարները: Փաստորեն, Արցախի պետականության կորստից հետո, մեր 5 հազար եղբայրների սպանությունից հետո, Էրդողանի կոչով մարտի 1-ին կայանալիք հանրահավաքով Փաշինյանը փորձելու է «վերջին մեխը» խփել մեր ժողովրդի պատմության մեջ:

Հայ ժողովուրդն իր պատմության վերջին մի քանի հարյուր տարվա ընթացքում չի տեսել այսքան մեծ խայտառակություն: Հասկանալի է, որ այս ամենի հետեւում կանգնած է լինելու ամբողջ պետական ​​մեքենան, բայց դա ոչինչ չի նշանակում, քանի որ իշխանափոխությունից հետո ռազմական տրիբունալների առաջ կկանգնեն ոչ միայն Փաշինյանը և իր խումբը, այլ նաեւ Փաշինյանի բոլոր մենեջերները, բոլոր նրանք, ովքեր ակտիվորեն մասնակցում էին թուրքամետ, հակահայկական, հակապետական ​​հանրահավաքի կազմակերպմանը:

Ոչ ոք չի մոռացվելու, ոչինչ չի մոռացվելու, և բոլորը պետք է իմանան, որ Հայրենիքի դավաճանությունը, մեր 5000 եղբայրների և քույրերի մահը սովորական հանցագործություն չէ, դա հակահայկական, հակազգային հանցագործություն է, որի համար ներում-բեկում չի լինելու:

Դավիթ Մկրտչյան