«Օտարերկրյա գործակալները պետք է ունենան 100%-ոց խմբակցություն ԱԺ-ում». Քննարկում «Չհանրայինի» եթերում

Երեկ երեկոյան ուշադրությունս գրավեց Հանրային հեռուստատեսությամբ կազմակերպված քննարկումը: Քննարկումը վերաբերում էր «Կուսակցությունների մասին» նոր օրենքի ընդունմանը:

Սկսենք մասնակիցներից, որոնցից երկուսը ներկայացնում էին հասարակության մեջ 0,1 տոկոս աջակցություն ունեցող կուսակցությունները, «Իմ քայլը» խմբակցության անկուսակցական անդամ և մեկը ով առաջնորդվում է «կլասիկ սկզբունքով»՝ լավին՝ լավ, վատին՝ վատ:

«Իմ քայլի» ներկայացուցիչը «փրփուրը բերանին» խոսում էր այն մասին, թե ինչպիսին պետք է լինի «Կուսակցությունների մասին» օրենքը և ինչ պետք է արվի «ժողովրդի շահերը բավարարելու համար»: Այս մասին խոսում էր նա, ով ներկայացնում է 88 հոգանոց խմբակցությունը, որի անդամներից առնվազն 30-ը ուղղակիորեն վերահսկվում են Սորոսի հիմնադրամի գրասենյակից:

Հիմնադրամ, որը հայտնի է իր հակառուսական գործունեությամբ և ակնհայտ է նաև թե ում շահերն է իրականում ներկայացնում: Այնուամենայնիվ, կարևոր է, որ քննարկման մասնակիցները ոչ մի բառ չասացին սրա մասին: Совпадение? Не думаю...

Փաստորեն, մենք ունենք մի իրավիճակ, երբ «լուրջ դեմքով» մարդիկ քննարկում են, թե ինչպես անել, որ մեզանում ստեղծված իրավիճակում «փողի գործոնը» որոշիչ դեր չխաղա Հայաստանի քաղաքականության մեջ: Ու դա այն ժամանակ, երբ իշխող խմբակցությունից 30 հոգի ղեկավարում է ամենամեծ անդրազգային օլիգարխներից մեկը, որը «քիթը խոթում է» տարբեր պետությունների՝ Հարավային Աֆրիկայից մինչև Ուկրաինա և Հայաստան, և իր հետ բերում դժբախտություն և ավերածություններ: 

Այս մարդկանց իրական նպատակը չէ Հայաստանում քաղաքական գործընթացների վրա «նվազագույնի հասցնել փողի ազդեցությունը»: Այլ այնպես անել, որ տեղական մեծահարուստները չկարողանան ազդել քաղաքական գործընթացների վրա, և միայն արտաքին գործակալական ցանցերն ու օտարերկրյա օլիգարխները կարողանան ազդել այդ ամենի վրա:

Այս մարդիկ, որոնց շահերից է բխում հայ-ռուսական հարաբերությունների քայքայումն, արդեն հանգեցրել են նրան, որ 45-օրյա պատերազմի ընթացքում մենք բոլորս տեսել ենք Երևանի և Մոսկվայի միջև հարաբերությունների աղետալի մակարդակ, բայց իրենք բավարարված չեն այս ամենով: Նրանց չի հերիքում Արցախում հայկական պետականության կորուստը և 5000 զոհը...

Սա սովորական լկտիություն չէ. սա հանցավոր վարք է, որի նպատակն այն է, որ նոր խորհրդարանում «իշխող խմբակցության 88-ից 88 պատգամավոր» ունենալ, որոնք կվերահսկվեն օտարերկրյա գործակալական ցանցերի կողմից:

Նույնիսկ քննարկման վարողին պարզ էր, որ մասնակիցները ոչ մի կապ չունեն Հայաստանի քաղաքական իրավիճակի իրական պատկերի հետ, և նա նշեց, որ քննարկման մասնակիցները «իրական քաղաքական դաշտը չեն ներկայացնում»:

Եկեք անկեղծ լինենք ու ասենք, որ «Հանրային հեռուստատեսությունը» նաեւ նախորդ կառավարության օրոք չէր ներկայացնում հասարակության բոլոր խավերի կարծիքը, բայց այսօր հեռուստաալիքը նույնիսկ չի օգտագործում «շղարշ՝ իշխանության իրական դեմքն ու մտադրությունները թաքցնելու համար»:

Սա նաև ցույց է տալիս Փաշինյանի իրական վիճակը հասարակության մեջ, երբ նա ստիպված է առանց «ավելորդ թատերական տեսարանների» եթեր տալ «գրպանի աղբը»:

Հայաստանում լյուստրացիան եռում է... նույնիսկ եթե շատերը դա չեն հասկանում: Բայց շուտով կգա ժամանակը, որ յուրաքանչյուրը պատասխան պետք է տա իր քայլերի համար:

Սևակ Դանիելյան