Փաշինյանի ՝ ԱՊՀ երկրների ղեկավարների գագաթնաժողովին չմասնակցելը Հայաստանի համար թանկ է նստելու

Ավելի քան 2.5 տարի մենք գրում էինք, որ Նիկոլ Փաշինյանը, լինելով «հակապետության» մարմնացում, միտումնավոր կամ առանց հասկանալու, քանդում է պետության հիմքերը: Ոչնչացնում է բանակը՝ զրպարտելով նրա գեներալներին, ոչնչացնում անվտանգության համակարգը՝ Յուրի Խաչատուրովին ՀԱՊԿ-ից հետ կանչելով և այլն: Փաշիյանի վարած քաղաքականության արդյունքում մենք պատերազմ ստացանք, բայց, ըստ երեւույթի, դա նրան քիչ է:

Մենք արդեն առիթ ունեինք ասելու, որ Փաշիյանի քաղաքականությունը հանգեցրեց նրան, որ պատերազմի օրերին ոչ ոք չդատապարտեց Արցախի դեմ Ադրբեջանի ագրեսիան, ոչ ոք «չհիշեց» Արցախի ժողովրդի ինքնորոշման իրավունքի մասին: Բայց Փաշինյանը շարունակում է անել ամեն ինչ, որպեսզի ոչ ոք այլեւս չհիշի Արցախի ժողովրդի այս իրավունքի մասին:

ԱՊՀ երկրների ղեկավարների գագաթնաժողովը լավ առիթ էր աշխարհին և կազմակերպության անդամ երկրների ղեկավարներին ներկայացնելու ինչպես պատերազմի մասին մեր տեսակետը, այնպես էլ Արցախի և Հայաստանի ապագայի տեսլականը:

Ենթադրվում էր, որ գագաթնաժողովում ԱՊՀ երկրների ղեկավարները հավասարակշռված տեսակետներ կլսեին. մի կողմից Ալիևին, իսկ մյուս կողմից՝ Փաշինյանին: Բայց Նիկոլը որոշեց չմասնակցել գագաթնաժողովին: 

Ինչ վերաբերում է այն հայտարարությանը, որ Փաշիանյանի հայրը մահացել է եւ դրա հետ կապված Նիկոլը բացակայում է, ապա նորից պետք է շեշտել, որ այստեղ կրկին դրսեւորվեց Նիկոլի մոտ պետական մտածողությանն բացակայութունը: Նա իր անձնական շահերը, իր անձնական վիշտը կամ ուրախությունները վեր է դասում պետության շահերից: Իհարկե, ամեն մարդու մահը ցավալի է, բայց սրա հետ մեկտեղ մենք ամեն օր տեսնում ենք, թե ինչպես է մահանում հայկական պետականությունը...

Հայաստանի քաղաքացիներին պե՞տք է այդպիսի ղեկավար, որի ճակատագրով անհանգստացած է Ալիևը: Արդյո՞ք Հայաստանին պետք է մի առաջնորդ, որն իր շահերը միշտ վեր է դասում պետության շահերից:

Առաջիկա օրերին այս հարցերին պետք է պատասխանի Հայաստանի յուրաքանչյուր քաղաքացի և բնակիչ:

Սևակ Դանիելյան