Իլհամ Ալիեւը խիստ մտահոգված է Նիկոլ Փաշինյանի ճակատագրով. Տեսանյութ
Ինչպես գիտեք, ՀՀ վարչապետ Նիկոլ Փաշինյանը չի մասնակցել ԱՊՀ գագաթնաժողովին՝ հոր մահվան պատճառով: Այս կապակցությամբ մենք կցանկանանք նշել Իլհամ Ալիեւի ելույթը ԱՊՀ անդամ պետությունների ղեկավարների գագաթնաժողովի ժամանակ: Ալիևը լիովին օգտվեց Փաշինյանի բացակայությունից և ոչ միայն ներկայացրեց Ադրբեջանի դիրքերը ղարաբաղյան պատերազմից հետո, այլև անհանգստություն հայտնեց Նիկոլ Փաշինյանի ճակատագրի կապակցությամբ: Հիմա կատարվածի մասին խոսենք ավելի մանրամասն:
Մի կողմից՝ Իլհայ Ալիևը հայտարարեց, որ չի ցանկանա միջամտել Հայաստանի ներքաղաքական գործընթացներին, բայց մյուս կողմից՝ նա լիակատար աջակցություն հայտնեց Նիկոլին և հայտարարեց, որ իրականում Փաշինյանը մեղավոր չէ պարտության մեջ, քանի որ Ադրբեջանը հաղթանակ տարավ Սերժ Սարգսյանի և Ռոբերտ Քոչարյանի ստեղծած բանակի նկատմամբ: Համաձայնվեք, սա շատ համահունչ է Փաշինյանի այն խոսքերին, թե «նա է գլխավոր պատասխանատուն», բայց ոչ «գլխավոր մեղավորն է»:
Այս հայտարարությամբ Ալիեւը ազդակներ ուղարկեց աշխարհին, Ռուսաստանին և ԱՊՀ անդամ պետությունների ղեկավարներին, որ անձամբ իր և Ադրբեջանի համար Փաշինյանը Հայաստանի ամենաընդունելի առաջնորդն է:
Միևնույն ժամանակ, Ալիևը ելույթի սկզբում կետ առ կետ մանրամասն ներկայացրեց Հայաստանի ղեկավարության սխալները, որոնք Ադրբեջանին թույլ տվեցին դուրս գալ բանակցային գործընթացից և ագրեսիա սկսել Արցախի դեմ: Ցավով պետք է նշել, որ Ադրբեջանի նախագահի խոսքում ճշմարտության տարրեր կան...
Մենք ավելի քան 2.5 տարի մեր հասարակությանը ներկայացրել ենք, որ Նիկոլը Ալիևին տալիս է պատերազմ սկսելու լեգիտիմ հիմքեր: Մենք այս ամենը գիտեինք ու գրւոմ էինք: Այսօր սակայն մենք բոլորս իմացանք նաեւ, որ Ալիևը շատ մտահոգված է Նիկոլ Փաշինյանի ճակատագրով:
Ալիեւը առանձին ուղերձ է հղել նաեւ նախագահ Վլադիմիր Պուտինին՝ նշելով, որ Ռուսաստանի համար շահավետ չէ, որ «ռեւանշիստների» իշխանություն գան Հայաստանում:
Այնուամենայնիվ, Ալիևի հիմնական ուղերձն այն էր, որ մինչ Նիկոլը իշխանության ղեկին է, Ադրբեջանը կարող է հանգիստ ապրել: Եվ եթե նույնիսկ Փաշինյանը հեռանա, ապա Բաքուն շահագրգռված է, որ Նիկոլի թիմից ինչ-որ մեկն իր փոխարեն գա, այսպես ասած՝ «նոր Փաշինյան»:
Այլ կերպ ասած, մեր երկրի բոլոր քաղաքացիները պետք է հասկանան, երբ այսօր նրանք պայքարում են Փաշինյանի դեմ, նրանք իրականում պայքարում են մեր երկրում «ադրբեջանական բաստիոնը» ոչնչացնելու համար: Այս կապակցությամբ մեկ անգամ ևս նշենք, որ ներկայիս ընդդիմադիր շարժումն ունի ազգային-ազատագրական բնույթ:
Կամ մենք մեր երկրի ներսում «կհաղթենք ադրբեջանական բաստիոնին» ու կսկսենք կռվել ու հաղթել մեր իրական արտաքին թշնամուն, կամ հայկական պետականությունը կդադարի գոյություն ունենալ: երրորդ տարբերակ ուղղակի չկա:
Սևակ Դանիելյան
Հետևեք մեզ Facebook-ում