Եթե դու միայն գլխավոր պատասխանատուն ես, այդ դեպքում մե՞նք ենք գլխավոր մեղավորները. Տեսանյութ

Անցած 30 տարիների ընթացքում ես շատ սուտ եմ լսել, և տեսել եմ փարիսեցիության շատ դրսևորումներ: Բայց այն, ինչ անում է Նիկոլ Փաշինյանը, չի ենթարկվում որևէ ռացիոնալ վերլուծության և անցնում է բոլոր սահմանները: Այն, ինչ Փաշինյանն ասաց «Ազատություն» ռադիոկայանին տված իր հարցազրույցում, եւս մեկ վկայություն է այն բանի, որ նա հայ ժողովրդին ոչխարներ կամ ավանակներ է համարում:

Դատեք ինքներդ. հենց Նիկոլ Փաշինյանի 2.5 տարվա վարած քաղաքականության արդյունքում մենք պատերազմ ստացանք, քանի որ բանակցային գործընթացը ոչնչացվեց նրա հակասական հայտարարություններով:

Հենց Փաշինյանն էր, ով Տավուշի հուլիսյան դեպքերից հետո ուռճացրեց աննշան ռազմական հաջողությունները, ստեղծեց «քարոզչական փուչիկ», որ ստեղծեց մի տեսակ Casus belli Ալիևի համար, երբ իշխանությանը մնալու համար Ադրբեջանի նախագահը պարտավոր էր պատերազմ սկսել:

Հենց Նիկոլի պատճառով էր, որ Հայաստանը հայտնվել էր «միջազգային շրջափակման» մեջ և աշխարհում ոչ ոք չէր դատապարտում Բաքվի ագրեսիան Արցախի դեմ, և բոլորը ընկալում էին Ադրբեջանի գործողությունները որպես «տարածքային ամբողջականության վերականգնում», և ոչ ոք չէր խոսում ժողովրդի ինքնորոշման իրավունքի մասին:

Հենց Նիկոլի քաղաքականությունն էր, որ թույլ տվեց Թուրքիային «մտնել» Հարավային Կովկասի տարածաշրջան և Ռուսաստանի հետ առճակատում սկսել ամբողջ տարածաշրջանում ազդեցության համար:

Հենց Փաշինյանն էր, ով իր քաղաքականությամբ և Մեղրիով ճանապարհի զիջման միջոցով պանթուրքիզմի համար արեց ոչ պակաս մեծ գործ, քան Ռեջեփ Թայիփ Էրդողանն արեց Թուրքիան ղեկավարելու իր տարիներին:

Եվ մենք նույնիսկ չենք պատրաստվում խոսել այն ոչ ադեկվատ քայլերի մասին, որոնք նա ձեռնարկել է պատերազմի օրերին, դրա վերաբերյալ փաստերն ամենուր են։ Եվ այսքանից հետո նա իրեն համարում է գլխավոր պատասխանատուն, բայց ոչ մեղավոր: Հիմա ի՞նչ ՝ ողբերգության գլխավոր մեղավորները մենք ենք:

Հայաստանի քաղաքացին է մեղավո՞ր, արցախցիներն են մեղավո՞ր, Սյունիքի բնակիչնե՞րը, մեղավորը բանա՞կն է, Ռուսաստանն է մեղավո՞ր: Բոլորը բացի Նիկոլից...

Միգուցե Փաշինյանի հաշվարկն այն է, որ 2018-ին նա կարողացավ խաբել ժողովրդին՝ ասելով, որ «Հայաստանի բոլոր 3 միլիոն բնակիչները վարչապետ են», և կարծում է, որ հիմա այս «3 միլիոն վարչապետները» պատասխանատվությունը կկիսե՞ն իր հետ:

Ոչ, Փաշինյանը սխալվում է: Մարդկանց մեջ կան շատ ավելի շատ արժանապատիվ մարդիկ, ովքեր ամեն ինչ հիանալի հասկանում են և գիտեն, որ հենց Նիկոլն է ողբերգության գլխավոր մեղավորը: Եվ այս ժողովրդի առաջ Փաշինյանը պատասխան կտա:

Սևակ Դանիելյան

Հ.Գ. Ի դեպ, Փաշինյանն իր հարցազրույցում կրկին ստել է: Պատերազմի օրերին նա ասում էր, որ պատերազմի սկիզբն անակնկալ չէր, բայց հիմա ասում է, որ պատերազմն անսպասելիորեն սկսվեց: Նա պաթոլոգիական ստախոս է…