Կարին Տոնոյանը ճիշտ է, Նիկոլը սխալվեց

Վարչապետի պաշտոնը դեռ զբաղեցնող Նիկոլ Փաշինյանը երեկ հայտարարել է, որ դեկտեմբերի 19-ին եռօրյա սուգ կհայտարարվի, եւ երթ կանցկացվի դեպի Եռաբլուր:

Թեման լայն արձագանք գտավ հասարակության մեջ: Շատերը մեջբերում էին «Հայ Ասպետ» կրթադաստիարակչական բարեգործական հիմնադրամի հիմնադիր-տնօրեն Կարին Տոնոյանի խոսքեն ով ասաց, որ ով դեկտեմբերի 19-ին Եռաբլուր կգնա Նիկոլի հետ, մասնակիցը կդառնա դավաճանակ ծրագրին:

Այս առումով իրավիճակին կարելի է արձագանքել արդեն դասական արտահայտությամբ՝ Կարին Տոնոյանը ճիշտ է, Նիկոլը սխալվեց:

Իսկապես, ինչո՞ւ պետք է զոհված զինվորների մայրերը նորմալ համարեն, որ Նիկոլ Փաշինյանը պատրաստվում է այցելել Եռաբլուր: Եվ սա այն պայմաններում, երբ իշխանություններից դեռ հստակ պատասխան չկա, թե արդյոք Փաշինյանը 5 միլիարդ դոլարով վաճառե՞լ է Արցախն ու 5000 զինվորի կյանքը:

Սա այն պայմաններում, երբ Ռուսաստանի նախագահ Վլադիմիր Պուտինի մակարդակով Փաշինյանին առաջարկվել էր դադարեցնել պատերազմն ու խուսափել նոր զոհերից: Բայց Նիկոլը նախընտրում էր նոր զոհեր, միայն թե նրան չասեին, որ դավաճան է:

Սա այն պայմաններում, երբ դեռ չի հերքվել այն տեղեկությունը, որ Փաշինյանն անձամբ է դադարեցրել բանակի լրահամալրումը:

Սա այն պայմաններում, երբ չեն հերքվում այն տեղեկությունները, որ Ռուսաստանից ստացված զենքը և Ռուսաստանից ստացված զրահաբաճկոնները Հայաստանից Ղարաբաղ միտումբավոր չեն ուղարկվել:

Սա այն պայմաններում, երբ տեղեկատվություններն այն մասին, որ Փաշինյանի կինն անձամբ է ղեկավարել նույնիսկ ռազմական գործողությունները (ավելին, ուղերձներից մեկում Փաշինյանը հաստատել է, որ Աննա Հակոբյանը գտնվում էր հրամանատարական կետում, որտեղ մուտքն արգելված էր, օրինակ, Սեյրան Օհանյանի պես հմուտ գեներալին), չեն ստացել իրենց ողջամիտ հերքումները:

Այո, Կարին Տոնոյանն իսկապես ճիշտ է, Փաշինյանը չի կարող մուտք գործել Եռաբլուր, քանի դեռ Համահայկական հանձնաժողովը չի տվել պատասխաններ այս բոլոր հարցերին: Այս առումով ակնհայտ է, որ զոհված զինվորների մայրերը կարող են չհանդուրժել Նիկոլի ու նրա թիմի ներկայությունը Եռաբլուրում:

Իսկ մենք կրկին տեսնում ենք մի իրավիճակ, երբ իշխանությունները, քաղաքական և սոցիալական լարվածությունը թուլացնելու փոխարեն, նպատակադրված ստեղծում է լարվածության նոր օջախներ մեր երկրում:

Հայաստանը պետք է արագ դուրս գա այս ճգնաժամից, այդ թվում՝ հոգեբանական: Իշխանությունները, որոնք նույնիսկ սուգը փորձում են օգտագործել իրենց քաղաքական նպատակների համար (Փաշինյանի քարոզչությունը պատրաստվում է երթին ներկա մարդկային վիշտը և ցավը արտահայտելու ցանկությունը ներկայացնել որպես անձամբ Նիկոլին սատարելու արտահայտություն), չեն կարող լուծել այս խնդիրը:

Սևակ Դանիելյան