Հեռախոսազանգերին պատասխանելու ընդունված համընդհանուր կանոններ

«ԱԼՈ՞», «ԱՅՈ՞», ԹԵ՞ «ԴԱ»

Ցանկացած կազմակերպության համար արտաքին աշխարհի հետ շփման հիմնական միջոցներից մեկը հեռախոսակապն է: Եվ խոսակցության հենց առաջին վայրկյաններից պատկերացում է կազմվում տվյալ հաստատության մասին: Զանգահարողին ցուցաբերած ուշադրությունից, նրան տրամադրած ծառայությունից է կախված, թե որքան արդյունավետ կլինի խոսակցությունը, և արդյո՞ք այն վերջինը չի լինի:
Հեռախոսազանգերին պատասխանելու ընդունված համընդհանուր կանոնների համաձայն` լսափողը ցանկալի է վերցնել մինչև 4-րդ զանգը, որպեսզի զանգահարողը երկար չսպասի ու չնյարդայնանա: Այդ դեպքում խոսակցությունն ընթանում է ավելի բարյացակամ մթնոլորտում: Լսափողը վերցնելիս ցանկալի է ողջունել զանգահարողին և ներկայանալ կազմակերպությունում ընդունված միանման ձևով:

Հեռախոսազանգերին պատասխանելիս կազմակերպությունում ընդունված միևնույն ձևով ներկայանալը կարևորվում է առաջին հերթին ներկայացուցչական նշանակությամբ, այսինքն` հստակ արտացոլվում են կազմակերպության դեմքն ու սեփական ոճը: Զանգերին հարկավոր է պատասխանել բարեհամբույր տոնով, չկոպտել և զանգահարողին տրամադրել նրան հետաքրքրող, տվյալ աշխատակցի իրավասության սահմաններում գտնվող ինֆորմացիան: Այս ամենը նպաստում է, որ մարդկանց շրջանում կազմակերպության նկատմամբ ձևավորվի դրական կարծիք:
Հեռախոսազանգին պատասխանելիս ներկայանալ ըստ սահմանված կարգի, այն է` «Ստորաբաժանման անվանում: Բարև Ձեզ» կամ պարզապես ստորաբաժանման անվանումը:

Հեռախոսազանգերին պատասխանելու խոսելաոճն ու տրամադրվող ինֆորմացիայի բովանդակությունը շատ դեպքերում կախված են աշխատակցի անհատական որակներից, աշխատանքի հանդեպ ցուցաբերած պատասխանատվությունից: Հեռախոսազանգերին պատասխանելիս ստորաբաժանումներում լսափողը վերցնելիս ասում են կա՛մ «ալո», կա՛մ «այո», կա՛մ «դա»: Բացակայում են հեռախոսազանգերին պատասխանելու ընդհանուր խոսելաոճը և ներկայանալու` որոշակիորեն մշակված ձևը, ինչը զարմանալի չէ, քանի որ երբեք չի եղել այդպիսի ավանդույթ:
Ուսումնասիրությունը ցույց է տալիս, որ անհրաժեշտ է առաջին հերթին հստակեցնել այն աշխատակիցների շրջանակը, որոնց անմիջական պարտականությունների մեջ է մտնում արտաքին հեռախոսազանգերին պատասխանելը: Դրանք գործավարներն են, լաբորանտները, օպերատորները կամ այլ աշխատակիցներ ...

Գործարար էթիկայի հիմունքներ ֆեյսբուքյան էջից