Ալիևը գերավճար է արել. Նիկոլը կհամաձայնվեր վաճառել հողերը 5 միլիարդից պակաս գումարով

Սոցցանցերի հայկական հատվածը երեկ պայթեցրել է Սերժ Սարգսյանի ու Ալեքսանդր Լուկաշենկոյի զրույցի ձայնագրության հրապարակումը: Այս ձայնագրությունից պարզ դարձավ, որ Սերժ Սարգսյանը մերժել է առաջարկը` 5 մլրդ դոլարի դիմաց վաճառել Արցախի ազատագրված շրջանները:

Այս հրապարակված ձայնագրության մեջ սենսացիոնն այն է, որ եղել է նման գործարքի առաջարկ: Եթե մենք աշխարհին պարզ հայացքով ենք նայում, ապա պետք է փաստենք, որ նման առաջարկներ մեծ քաղաքականության մեջ առհասարակ ընդունված են:

Մեր դեպքում մենք կարող ենք փաստել, որ Սերժ Սարգսյանը մերժել է առաջարկը, բայց չէ՞ որ այդ 5 մլրդ դոլարն Ադրբեջանի մոտ շարունակել է մնալ, և ակնհայտ է, որ «գնորդը» փորձել է իր առաջարկը տարբեր ուժերին ներկայացնել: Այն ուժերին, որոնք պոտենցիալ կարող են բավարարարել Ադրբեջանի պահանջները:

Մեր հավատարիմ ընթերցողները գիտեն, որ մենք երկար տարիներ քննադատալ էինք Սերժ Սարգսյանի վարած թե՛ ներքին, և թե՛ արտաքին քաղաքականությունը: Սակայն ոչ միայն չէինք գրել, այլ մեր մտքով անգամ չէր կարող անցնել, որ տարածքները կարելի է «վաճառել»:

Սակայն Հայաստանում ավելի քան 24 տարի շարունակ եղել են շրջանակներ, որոնք աջ ու ձախ հայտարարում էին, թե հողերը վաճառվելու են: Սկզբից դրանում մեղադրում էին Քոչարյանին, իսկ հետո` Սարգսյանին: Այդ նույն շրջանակները խոսում էին նաև այն մասին, որ հնարավոր է պայմանավորված պատերազմ իրականացնել և հողերը հանձնել ոչ միայն գումարի դիմաց, այլև նախապես մշակված պատերազմական սցենարով: Այս երկու թեզերի հիմնական քարոզիչներից մեկը հենց Նիկոլ Փաշինյանն էր (հիշեք նրա խոսքերը 2016-ի պատերազմի մասին):

Հասկանու՞մ եք, Ադրբեջանում և Թուրքիայում տեսնում էին, որ Հայաստանում բացահայտ կերպով գործում է մի անձ, ով ոչ միայն նման մտավոր կոնստրուկտներ կարող է ունենալ, այլ նաև կարող է իր մտքերն անկաշկանդ ներկայացնել հասարակությանը: Սրան գումարենք նաև այն, որ նախկինում Հայաստանում տիրող անարդարության մթնոլորտը, սոցիալական և տնտեսական խնդիրները մարդկանց մեջ մեծ դժգոհություն էին առաջացնում, այդ բոլորն օգտագործվեց, որպեսզի իշխանբությանը բերվի մի անձ, որն ի կատար կածի Ալիևի իղձերը:

«Բոնուսով» պատերազմի ընթացքում Ադբեջանը ստացավ ոչ միայն 7 շրջանները, այլ նաև մեր Հադրութն ու Շուշին, և սա պետք է լավ գիտակցեն այն երիտասարդների ծնողներն ու հարազատները, որոնք զոհվեցին Հադրություն ու Շուշիում: Փաշինյանն այդ երկու քաղաքաների հետ մեկտեղ այդ երիտասարդներին, որքան էլ սարսափելի չհնչի, «բոնուսով հանձնեց» Թուրքիային, Ադրբեջանին ու ահաբեկիչներին:

Սա է այն դաժան իրողությունը, որում մենք հայտնվել ենք: Վստահաբար մեզ դեռ նոր բացահայտումներ են սպասում, այդ թվում նաև պատերազմի ընթացքի վերաբերյալ: Վստահաբար կարելի է ասել երկու բան. մեզ անհրաժեշտ է «հայկական Նյուրնբերգ» այդ բոլոր իրողությունները վերլուծելու և մեղավորներին պատժելու համար: Եվ երկրորդը, հաշվի առնելով Փաշինյանի էությունը, եթե Ալիևն իսկապես 5 մլրդ է վճարել, ապա վտսահաբար կարելի է ասել, որ Ադրբեջանի նախագահը գերավճար է կատարել:

Հաշվի առնելով Նիկոլ Փաշինյանի գործունեությունը Հայաստանի ներքաղաքական դաշտում, կարելի է վստահաբար ասել, որ նա մի քանի զրոյով պակաս գումարի պարագայում էլ պատրաստ կլիներ «հարցին լուծում տալ»:

Սևակ Դանիելյան