Ռեկտորները չեն օգնի կապիտուլյանտին. Փաշինյանին մերժում է հայկական պետականությունը

Հունիսի 16-ին, ելույթ ունենալով «Քաղաքացիական պայմանագիր» կուսակցության 5-րդ (եւ, ըստ երեւույթի, վերջին) համագումարում, Հայաստանի խորհրդարանի ղեկավար Արարտ Միրզոյանը հայտարարեց, որ Հայաստանը ժողովրդավարության բաստիոն է:

Հայ հասարակության որոշակի հատվածի, երկրի վերլուծական հանրության մի մասի՝ ընդդիմության համար այդ ժամանակ արդեն պարզ էր, որ Արարատ Միրզոյանի ասածը ցինիզմ էր: Սակային հիմա արդեն այդ մասին այսօր տեղյակ է հայ հասարակության ճնշող մեծամասնությունը: Սա, ինչպես շատ այլ բաներ, որոնք հեռացող իշխանության ներկայացուցիչները ասում էին, սուտ էր:

Այս օրերին, բացի պետական ապարատի փլուզումից, մենք ականատես ենք լինում մի գործընթացի, որում Նիկոլ Փաշինյանը փորձում է կառչել իշխանության վերջին բեկորներից: Հենց այդ նպատակով էր, որ կառավարությունը որոշվեց փոխել ռեկտորների նշանակման կարգը և, փաստորեն, այս գործընթացը ենթարկեցնելով գործող իշխանությանը:

Նորից կրկնեմ. 21-րդ դարում, երբ առաջատար երկրներում (կամ գոնե պարզապես իրենց հարգող երկրները) համալսարաններին ինքնակառավարում տնվեցին, իրենց «ժողովրդավարության բաստիոն» անվանող իշխանությունները` Փաշինյանի գլխավորությամբ, ցանկանում են անձամբ նշանակել համալսարանների ռեկտորներին:

Այս մասին բավականին մանրամասն գրել է Արդարադատության նախկին նախարար Գևորգ Դանիելյանը, ով նշել է, որ սա ոչ միայն բացահայտ հակասահմանադրական օրենսդրական նախաձեռնություն է, քանզի շրջանցվում է Սահմանադրության 38-րդ հոդվածով ամրագրված հիմնադրույթը, ըստ որի. «Բարձրագույն ուսումնական հաստատություններն օրենքով սահմանված շրջանակներում ունեն ինքնակառավարման իրավունք, ներառյալ ակադեմիական և հետազոտությունների ազատությունը», այլև անընդունելի նահանջ է կրթական հաստատությունները ապաքաղաքականացնելու առաքելությունից։ Իհարկե, օրենքով չէր կարող վերապահվել բացարձակ ինքնակառավարման իրավունք, սակայն չէր էլ կարելի ամբողջովին զրկել այդ իրավունքի առանցքային բաղադրիչից։

Այնպես, ընդամենը 2,5 տարվա ընթացքում «ամենալեգիտիմ կառավարությունը», որն իրեն համարում էր «ժողովրդավարության բաստիոն», վերածվել է «նյութի», որը ձգտում է տոտալիտար իշխանությանը:

Բայց դուք ոչնչի տաղանդ չունեք: Դուք նույնիսկ չեք կարողացել ձեր ընդդիմության դեմ «կարել» այնպիսի քրեական գործեր, որոնք կարող էին դիմանալ նույնիսկ չնչին քննադատությունը:

Դուք ոչնչի տաղանդ չունեք: Եվ ռեկտորները ձեզ չեն օգնի: Օլիգարխների անվտանգության ծառայությունները նույնպես չեն օգնի: Դուք արդեն անցյալ եք: Եվ որքան շուտ դա հասկանաք և թույլ տաք, որ խորհրդարանն առանց ցնցումների վերացնի ռազմական դրությունը, ապա ընտրի նոր վարչապետ, այնքան շատ շանսեր կան, որ ձեզ մերժած հայկական պետականությունը գոյատևելու հնարավորպւթյուն ստանա և կարողանա վերականգնվել:

Սևակ Դանիելյան