«Մերժվածը». Փաշինյանին մնում է մտածել միայն մեկ թեմայի մասին՝ «հումանիտար միջանցք» հեռանալու համար

1 Դեկտեմբեր, 2020 15:04

Դիտել նաև

Արևմուտքի համար հայերը կիսելու են քրդերի ճակատագիրը, որոնց օգտագործում են և քցում Դա Սահմանադրական կարգի տապալման գործընթաց է. Ստեփան Դանիելյան «Երկիր, որն արտադրում ու մատակարարում էր մեզ ցորեն, հանձնել են թշնամուն, գլուխ են գովում». Սևակ Հակոբյան «Նիկոլը կարող է թեկուզ աղանդավորներով, աթեիստներով, ՔՊ-ականներով այդ մի օրը եկեղեցու դահլիճ լցնել». Սևակ Հակոբյան «Մոնտաժել են այն կտորը, որտեղ Տեր Արամը խոսում է զոհվածների ընտանիքների մասին»․ Ստեփան Դանիելյան

Նիկոլ Փաշինյանի կատարած գրառումները շարունակում են հերքումներ ստանալ: Սկզբում Հայաստանի առաջին երկու նախագահների՝ Լեւոն Տե-Պետրոսյանի և Ռոբերտ Քոչարյանի գրասենյակներն արձագանքեցին «կապիտուլյանտի հուշերին», իսկ այսօր Արցախի նախկին նախագահներ Արկադի Ղուկասյանը և Բակո Սահակյանը հերքեցին Փաշինյանի խոսքերը:

Պետք է նշել նաև, որ Շուշիի կարգավիճակի մասին, մինչև նոյեմբերի 9-ը պատերազմը դադարեցնելու հնարավորության մասին Փաշինյանի խոսքերը հերքեցին նաև ՌԴ նախագահ Վլադիմիր Պուտինը և ՀՀ ԱԳՆ-ն:

Այս ամենը հուշում է, որ պաթոլոգիական ստախոսն է այսօր ղեկավարում Հայաստանը: Մարդ, ով ստում է բոլորին ու ստում բոլորի մասին: Մարդ, որի նպատակն է պահպանել իր իշխանությունը ցանկացած տրամաչափի ստի շնորհիվ:

Հայաստանի յուրաքանչյուր բնակիչ, քվեարկության իրավունք ունեցող յուրաքանչյուր անձ պետք է ինքն իտեն տա հետևյալ հարցերը. եթե Փաշինյանը ստում է նախկին նախագահներին եւ նախկին նախագահների մասին, եթե նա ստում է Պուտինի մասին, եթե նա ստում է Վլադիմիր Պուտինին, ապա քանի՞ սուտ է նա ասել հասարակ ժողովրդին: Եվ այսքանից հետո նա ինչպե՞ս է պիտի ղեկավարի երկիրը:

Իր «կապիտուլյանտի հուշերով» Փաշինյանը փորձում է մնալ իշխանության գլուխ՝ չհասկանալով, որ «իշխանության բուրգն արդեն քանդվում է»: Ամեն օր մարզպետները լքում են նրա թիմը, պատգամավորները լքում են իշխող խմբակցությունը, մի շարք դատավորներ նույնիսկ անհրաժեշտ չեն համարում գալ նրա հետ հանդիպումների: Փաշինյանն իշխանության բեկորներ ունի, և այդ բեկորները հայտնվում են փողոցներում, երբ անվատանգության տասնյակ աշխատակիցներ պաշտպանում են նրա ավտոշարասյունը: Բայց այս բեկորների ազդեցությունը կարճատև է: Անհնար է ամբողջ կյանքում սեփական ժողովրդից անընդհատ թաքնվել բարիկադների հետեւում:

Իրականում, Փաշինյանն այժմ ունի հիմնավորման միայն մեկ թեմա, որի մասին պիտի մտածի՝ ինչպե՞ս ստեղծել «հումանիտար միջանցք», որը թույլ կտա նրան հանձնել իշխանությունը՝ առանց ցնցումների, թե՛ իր համար, և թե՛ երկրի համար: Սա միակ թեման է, որը պետք է հետաքրքրի վարչապետին:

Այս համատեքստում Վիկտոր Յանուկովիչն ավելի երջանիկ մարդ է, քանի որ նրա «միջանցքն» իրեն բերեց Ռոստով: Փաշինյանին չեն օգնի նրա «օտարերկրյա գործընկերները»: Նրանք չեն օգնել պատերազմի ժամանակ, և չեն օգնի նաև հիմա:

Հետեւաբար, Փաշինյանը պետք է այս միջանցքը փնտրի երկրի ներսում:

Սևակ Դանիելյան