Ի՞նչն է Հադրութի շուրջ ադրբեջանցիների տարածած ապատեղեկատվության ու քաղաքի վրա հարձակման պատճառը. Լապշինի գրառումը
;Այսպիսի խոսք կա. սկզբում դու քո իմիջի համար ես աշխատում, իսկ հետո իմիջն է աշխատում քեզ համար: Ադրբեջանի նախագահ Իլհամ Ալիևի մոտ լրիվ հակառակն է ստացվել, սկզբում նա տասնամյակներով ստեղծել է փտած միջավայր և իշխանության կեղծ համակարգ, իսկ հիմա էլ անձամբ դարձել այդ համակարգի զոհը»,-իր ֆեյսբուքյան էջում նման գրառում է արել հայտնի բլոգեր Ալեքսանդր Լապշինը՝ անդրադառնալով ադրբեջանական քարոզչամեքենայի տարածած կեղծիքներին:
Լապշինն իր գրառման մեջ անդրադարձել է ադրբեջանցի գեներալների կողմից նախագահին սուտ տեղեկություններ հաղորդելուն, խոսքը վերաբերում է Հադրութը գրավելու մասին լուրերին։
Լապշինի կարծիքով՝ ադբեջանցի գեներալներն էլ մտածել են, որ Ալիևին հնարավոր է «կերակրել» ապատեղեկատվությամբ, իսկ հետո Ալլահի օգնությամբ իրենց սուտը կհաստատվի: Բայց ամեն ինչ այդպես չեղավ, գործերը վատ ընթացք ստացան: Իսկ Ալիևը շտապեց հայտարարել, որ գրավել են Հադրութը՝ սրանով ճնշելով գեներալներին, որոնք էլ փորձել են իրենց ուժերը կենտրոնացնել Հադրութի վրա:
Լապշինը նշել է, որ Հադրութը վերցնելու որևէ շանս չունեին, բայց նրանց պետք էր գոնե Ադրբեջանի դրոշը բարձրացնել՝ լուսանկարելու և դրանից հետո այնտեղից փախչելու համար:
Գրառման ավարտին Լապշինը հեգնել է ադրբեջանցիներին՝ ասելով, որ նրանց համար լավ գաղափար ունի.
«Այդ դերասանների եռյակին, որոնք հայ կնոջ ու երկու ադրբեջանցի զինվորների դերն էին խաղում, ուղարկե՛ք վրացական Ճիաթուրա քաղաք: Ինչո՞ւ Ճիաթուրա, և ի՞նչ կապ ունի Վրաստանը: Այնտեղ տեղանքը նման է Հադրութին: Արագ հագե՛ք ադրբեջանական համազգեստը, ճամպրուկից հանեք դրոշը, պարզեք լքված կոմբինատի վերևում և գոռացեք. «Հադրութ բիզիմդիր»»:
Zham.am
Հետևեք մեզ Facebook-ում