Թրամփի համաձայնությունը Իրանի հետ գնահատում են որպես ԱՄՆ-ի ամենածանր պարտությունը՝ Վիետնամից ի վեր

Մասնավորապես, շատերը զարմացել էին, որ Թրամփն Իրանի 10 կետանոց առաջարկը համարել է«փաստաթուղթ, որը կարելի է քննարկել՝ որպես բանակցային փաստաթուղթ»:

Թոշակի անցած գեներալ-լեյտենանտ  Մաքմասթերը, որը նախագահ Թրամփի առաջին ժամկետի  ընթացքում զբաղեցրել է ազգային անվտանգության խորհրդականի պաշտոնը, ասել է, որ գլխավոր խնդիրը կլինի Իրանի ազդեցության տարածման կանխումը՝ իր  սահմաններից դուրս։

Չիկագոյի համալսարանի անվտանգության փորձագետ և ԱՄՆ մի քանի նախագահների նախկին խորհրդական, պրոֆեսոր Ռոբերտ Փեյփը  հայտարարել է, որ Իրանի հետ այս նախնական համաձայնությունն արդեն  «Միացյալ Նահանգների համար հսկայական ռազմավարական պարտություն է  և, Վիետնամի պատերազմից ի վեր, ամենամեծ կորուստը»։

Ինչպես հայտնի է, վաղը, ապրիլի 10-ին Իսլամաբադում պիտի սկսվեն ուղիղ բանակցություններ իրանցիների և ամերիկացիների միջև:

Հայտնի է, որ ամերիկյան կողմը բանակցություններում ղեկավարելու է փոխնախագահ Վենսը:

Իրանցիները չեն վստահում Վիտկոֆին ու Քուշներին և հայտարարել էին, որ վերջիններս սերտորեն կապված են Իսրայելի վարչապետ Նեթանյահուի հետ:

Բանն այն է, որ Վենսը ի սկզբանե դեմ է եղել այս պատերազմին և անկողծորեն ցանկանում է օր առաջ կանգնեցնել այն:

Իսկ ահա երեկ հայտնի է դարձել, որ սկսած մարտի  21 –ից, կրակի դադարեցման կողմնակից էր դարձել նաև Թրամփը:

Ըստ Financial Times պարբերականի՝ Թրամփի վարչակազմը շաբաթներ շարունակ գաղտնի կերպով պնդում էր հրադադարի մասին՝ ձգտելով թեթևացնել Հորմուզի նեղուցի վրա Իրանի վերահսկողության հետևանքով առաջացած տնտեսական բեռը։ Վաշինգտոնը հույս ուներ օգտագործել Պակիստանը որպես միջնորդ։

Դիվանագիտական ​​​​հաղորդակցություններին ծանոթ հինգ աղբյուրների համաձայն, Թրամփը հրադադար էր  խնդրում մարտի 21-ից ի վեր, երբ առաջին անգամ սպառնաց հարվածել իրանական էլեկտրակայաններին։

Պարզվում է, որ իրանցիները կտրականապես մերժում էին Թրամփի խնդրանքները:

Եվ միայն Չինաստանի պատկան մարմիններին է ստացվել համոզել իրանցիներին, որպեսզի համաձայնվեն կրակի դադարեցմանը:

Չի բացառվում, որ Թրամփի այցից առաջ Չինաստան, վերջինիս անհրաժեշտ էր, որ ամերիկյան բանակցային ակցիաները թույլ լինեին, և հենց այդ պատճառով էլ իրանցիները մերժում էին Թրամփի առաջարկները:

Մինչդեռ այս պահին արդեն տեսանելի է, թե ինչ աստիճանի են թուլացել Թրամպի դիրքերը, թե երկրի ներսում, և թե երկրից դուրս:

Թրամփի պատերազմին իր դաշնակիցներից ոչ ոք չաջակցեց:

Տարածաշրջանի ԱՄՆ-ի դաշնակիցները նույնպես քայլ չարեցին Իրանի դեմ: Եվ դա այն դեպքում, երբ նրանք դարձան իրանական հարվածների թիրախ:

ԱՄՆ-ին չհաջողվեց Իրանում օգտագործել այդ երկրի 5-րդ շարասյունը:

Վերջապես, Իրանի քաղաքական ռեժիմն այդպես էլ մնաց անկոտրում, չնայած սպանվեցին այդ երկրի գրեթե բոլոր առանցքային լիդերները:

ԱՄՆ-ում մեկ գալոն բենզինի գինը սկսեց տատատնվել 4-6 դոլարի սահմաններում, ինչը լուրջ դժգոհություն առաջացրեց ամենրիյան ժողովուրդի մոտ:

Վերջապես Թրամփին չաջակցեցին նույնիսկ հավատարիմ հանրապետական գործիչները, որոնք նախագահական ընտրություններում նրան էին աջակցում:

Թրամփը վերջապես հասկացավ, թե ինչ է նշանակում դառնալ Նեթանյահուի ձեռքում խաղալիք, սակայն արդեն ուշ է, և միայն հրաշքը կարող է փրկել հանրապետական կուսակցությանը գալիք այս տարվա նոյեմբերին Կոնգրեսի մասնակի ընտրություններում:

Սա է իրականությունը:

Արտակ Հակոբյան
Zham.am