Ադրբեջանցի լրագրողի՝ այսօր կատարած սոցցանցային գրառում որտեղ ահագին բան կա թշնամի երկրի ներսում կատարվողի մասին

Էստեղ մի ադրբեջանցի լրագրողի (նաև՝ NİDA շարժման անդամ)՝ այսօր կատարած սոցցանցային գրառում դնեմ, որտեղ ահագին բան կա թշնամի երկրի ներսում կատարվողի մասին։

«Սկսվում է ընկերությունների մեջքին «փակվելիք» դնելը։ Դու էսքան փոխանցի՛ր բանակին, դու՝ էնքան։ Այս փողերը մարող ընկերություններն էլ կա՛մ աշխատողների աշխատավարձերն են կրճատելու, կամ առհասարակ ոչինչ չեն տալու իրենց աշխատողներին։ Սակայն միամիտ ժողովուրդս սկսել է հավատալ այն խոսքերին, թե «[Ալիևը] արդեն 30 տարի սրա [պատերազմի] համար էր հավաքում փողերը (ակնարկում է Ալիևի 30 տարվա թալանը)»։

Ո՛չ, սիրելիներս, արդեն 30 տարի պետության փողերը օֆշորներում են։ Որպեսզի տեղեկություններ ստանաք այն մասին, թե որտեղ են պառկած երկրի ղեկավարի այդ գումարները, պետք չէ հեռու գնալ, ընդամենը փնտրեք գուգլում։ Ինքը, իր ընտանիքի անդամները մի կողմից, ամեն մի սովորական պաշտոնյայի որդիները՝ մյուս կողմից այս 30 տարիների ընթացքում միլիոնանոց ժամացույցներ էին կապում։

Ինչքա՜ն շուտ մոռացաք այս ամենը։ Մի փոքր իրատես եղե՛ք։ Եթե անցած 30 տարիների ընթացքում այդ գումարները գնային բանակին, էսօր ծերունու փոխանցած 180 մանաթը, որն այդքան գովազդվում է նկարներով, կվերադարձնեին իրեն, ընկերություններին հրաման չէին տա, թե «էսքան պետք է բանակին փակվես»։

Ոմանք կարող են ասել, թե հիմա «սրանք ասելու ժամանակը չէ», բայց, ըստ իս, սրանք ասելու իսկական ժամանակը հենց հիմա է, քանի որ մեր ժողովուրդը սկսում է հեքիաթներին խաբնվել և հավատալ դրանց։ Իսկ սա մի միտում է, որ կարող է շատ սխալ տեղեր տանել։ Գիտեմ՝ ձեզանից ոմանք այս իրավիճակում պատրաստ են մի բաժակ ջրում խեղդել երկրի առաջնորդին քննադատողներին, սակայն իմացե՛ք, որ մեզանից ոմանք էլ պարզապես պարտավոր են սառնարյուն լինել։ Առնվազն որպես լրագրող՝ սա իմ պարտքն է։

Հ.Գ. Հա մեկ էլ, Իլհամ Ալիևին քծնելու ամենափոքր առիթ ման եկող ստորաքարշ ընդիմադիրներն իմանան, որ իրենց խաղացած խաղը կողքից նայողի համար շատ պարզ է։ Ասում եմ, կարո՞ղ է մի քիչ դանդաղեցնեք տեմպը [քծնելու]:

Իրանագետ Արտյոմ Տոնոյանի ֆեյսբուքյան էջից