«Թափանցիկ իշխանությունը» պարտավոր է բացահայտել Արսեն Խառատյանի հրաժարականի պատճառները
Փաշինյանական իշխանությունը սիրում է պարծենալ չեղած բաներով: Իրենք իրենց հռչակում են «Ժողովրդավարության բաստիոն», սակայն բոլոր տոտալիտար ռեժիմների պես ձգտում է ունենալ հնազանդ դատական իշխանություն: Խոսում են նույն դատական համակարգի անկախության մասին, բայց, երբ կայացվում է իրենց շահերին չհամապատասխանող որոշում, արգելափակում են դատարանի դռները: Խոսում են տնտեսության թռիչքաձև աճի մասին, սակայն թռիչքաձև աճում են միայն պաշտոնյանների աշխատավարձերն ու պարգևավճարները:
Այն բաներից մեկն ինչով պարծենում է Նիկոլ Փաշինյանի իշխանությունը թափանցիկությունն ու ժողովրդի առջև հաշվետու լինելն է, սակայն ինչպես և թվարկած նախորդ օրինակներում, այստեղ ևս ճշմարտությունը 180 աստիճանով տարբերվում է:
Նիկոլ Փաշինյանի իշխանության գալուց հետո բազում պաշտոնյաներ սկզբից լինելով նրա թիմի անդամ, հետագայում դուրս են եկել կառավարող թիմից, իսկ հանրությունը ոչ մի հոդաբաշխ բացատրություն չի ստացել: Այս խնդրի կարևորությունը խիստ առարկայական դարձավ արբեջանական լրատվամիջոցների մեկի հրապարակումներից հետ, համաձայն որի, վարչապետի արտաքին հարաբերոթյունների գծով նախկին խորհրդական Արսեն Խառատյանը պաշտոնանկությունից հետո հանդիպումներ է ունեցել ադրբեջանցի պաշտոնյաների հետ և առարկայական բանակցությունների մեջ է մտել ղարաբաղյան հակամարտության կարգավորման խնդրի վերաբերյալ:
Մի կողմ թողնենք իշխանությունների կողմից հրապարակ նետված այն թեզը, որ չի կարելի ադրբեջանական օրակարգը Հայաստանում քննարկման առարկա դարձնել ( չնայած որ այսօր իշխանության ղեկին են այն մարդիկ, ովքեր տանամյակներ շարունակ ոչ միայն հայաստանյան հարնրային դաշտ են բերել ադրբեջանական քարոզչական թեզիստները, այլ նաև չեն խորշել իրենց խոսքերում և վերլուծություններում ուղիղ հղումներ տալ ադրբեջանական ԶԼՄ-ներին):
Իրականությունը հետևյալն է, որ հանրությունը պետք է շատ հստակ և թափանցիկ բացատրություններ ստանա այն մասին, թե ինչու Արսեն Խառատյանը իր զբաղեցրած պաշտոնից հրաժարական տվեց: Սրա հետ մեկտեղ իր պաշտոնից հեռանալուց հետո նա բազմիցս նշել է, որ շարունակում է մնալ Նիկոլ Փաշինյանի աջակիցը և պատրաստ է օգնել իշխանություններին: Միգուցե օգնությունը դրսևորվել է հենց այն կերպ, ինչպես ներկայացրել են ադրբեջանցինեը: Այս հարցի պատասխանը մենք կստանանք իշխանափոխությունից հետո:
Սևակ Դանիելյան
Հետևեք մեզ Facebook-ում