Ազգային ժողովը շարունակում է ոչ լեգիտիմ մնալ․ Գեղամ Մանուկյան

Ազգային ժողովը շարունակում է ոչ լեգիտիմ մնալ։ Ազգային ժողովի աշխատանքներին չի կարողանում մասնակցել մեր գործընկեր Արթուր Սարգսյանը, որովհետև այս իշխանություններին ծառայող դատավորը շարունակում է նրան ապօրինի կալանքի տակ պահել։ Այս մասին հայտարարեց ԱԺ «Հայաստան» խմբակցության պատգամավոր Գեղամ Մանուկյանը՝ շեշտելով, որ կլքի նիստերի դահլիճը ժամը 15։00-ին, քանի որ Շենգավիթի նստավայրում շարունակվելու է Բագրատ Սրբազանի և արդարների գործով դատաքննությունը։

«Այստեղ շատ խոսվեց քաղբանտարկյալների մասին։ Խորհրդային Միությունում կար մի հայտնի անեկդոտ։ Մեկը սպիտակ թուղթ է կպցնում պատին, միլիցիան գալիս է, ասում է՝ «Այս ի՞նչ ես անում»։ Ասում է՝ «Թռուցիկ եմ կպցնում»։ Ասում է՝ «Բայց վրեն բան գրած չկա»։ Ասում է՝ «Մեկ է՝ բոլորը գիտեն»։

Ժողովուրդ ջան, ինչքան էլ ասենք՝ չափորոշիչներով չի համապատասխանում քաղբանտարկյալի, բայց հասկանալի է, որ այն բոլոր մեր հայրենակիցները, որոնք այս տարիներին ձերբակալվել են, կալանավորվել են, տևական ժամանակ անազատության մեջ են եղել, բոլորի հիմքը քաղաքական է»,- նշեց նա։

Պատգամավոր Գեղամ Մանուկյանը անդրադարձել  նաև քաղբանտարկյալներ Անդրանիկ Թևանյանի և Արեգնազ Մանուկյանի շինծու գործին, նրանց կալանավորման պայմաններին, հատկապես՝ տեսակցությունների արգելքին, որը հակասում է մարդու իրավունքների տարրական նորմերին: 

Մանրամասն՝ տեսանյութում։