Նիկոլ Փաշինյանի և Ջորջ Սորոսի իշխանական կոալիցիան կանգնած է փլուզման առջև՞
Այն որ ԱԺ-ի փաշինյանական «Իմ քայլը» խմբակցության մի մասը պատգամավոր է դարձել ««Սորոսի» հիմնադրամի կվոտայով», հայտնի է բոլորին: 2018-ի հեղափոխության փայատեր «Սորոսի» հիմնադրամը չեր կարող մաս չկազմել Փաշինյանի իշխանության մեջ: Ընդվորում, սորոսականները ներկայացված են, և ԱԺ-ում, և կառավարությունում: Այսինքն, պատկերավոր ասաց, Նիկոլ Փաշինյանը, ով 2018-ի հեղափոխությունից հետո, մերժեց կոալիցիա կազմել գրեթե բոլոր հայաստանյան քաղաքական ուժերի հետ, փաստացի կոալիցիա է կազմել միայն օտարերկրյա օլիգարխ Ջորջ Սորոսի ներկայացուցիչների հետ: Այսինքն, տեղական օլիգարխների դեմ պայքարող Փաշինյանը, կոալիցիա է կազմել միջազգային օլիգարխ՝ Ջորջ Սորոսի հետ: Սակայն տավուշյան դեպքերից հետո, Փաշինյանի կախվածության աստիճանը Մոսկվայից կտրուկ մեծացավ, իսկ վերջիններս էլ պահանջում են նրանից հրաժարվել սորոսականների ներկայությունից իշխանության մեջ: Հենց այդ տրամաբանության մեջ պիտի դիտարկել նաև ԱԺ փոխոսնակի կոպիտ արտահայտությունները ծերունի Սորոսի հասցեին: Հետաքրքիր է, որ Ալեն Սիմոնյանի խոսքերին կտրուկ արձագանքեց հայաստանյան «Սորոսի» հիմնադրամի տնորեն Լարիսա Մինասյանը, իսկ ահա իշխանության մեջ գտնվող սորոսականների ձայնը, ի պաշտպանություն իրենց ծերուկի, այդպես էլ չլսվեց: Որից հետո, շատերը սկսեցին խոսել սորոսականների անսկզբույնքային պահվածքի մասին: Մի կող թողնենք, թե ինչ սկզբունքայնություն պիտի ցուցադրեին, փաստացի օտարերկրացու վրա վարձով աշխատող մարդիկ...
Սակայն, երբ ԱԺ-ն անդրադարձավ Սահմանադրական դատարանի անդամների ընտրության խնդրին, սորոսականները այլևս չեին կարող պահպանել իրենց կոնֆորմիստական պահվածքը: Մի կողմ թողնենք այն, որ ընտրված ՍԴ անդամները, մեղմ ասաց սորոսականների սրտով չեին: Պարզվում է, նրանց առջև դրված էր խնդիր, անկախ իրենց դիրքորոշման քվեարկել այդ ՍԴ անդամների օգտին: Ավելին, նրանցից ՀՀ նախագահի կողմից ներկայացված Արթուր Վաղարշյանի թեքնածությանը, ամիսներ առաջ, նույն հրահանգով, ԱԺ «Իմ քայլը» խմբակցության անդամները դեմ եին քվեարկել: Իսկ այսօր ստացվում է, որ ԱԺ-ի թե սորոսականները, և թե մյուս իմքայլականները, շարքային «դակիչի» դեր են կատարում և քվեարկում են այնպես, ինչպես կասի «շեֆը»:
Այդ քվեարկությունը ցույց տվեց իմքայլական պատգամավորների իրական «անկախության» աստիճանը Նիկոլ Փաշինյանից: Եվ ահա, այս ամենից հետո, Ջորջ Սորոսի ներկայացուցիչները դժվար երկրտրանքի առջև են կանգնել, վայր դնել մանդատները և դառնալ Փաշինյանին «ընդիմություն», թե համակերպվել Ալեն Սիմոնյանի գնահատականների հետ և լուռ շարունակել մնալ Փաշինյանի քաղաքական «շնորոքի» կարգավիճակում:Սակայն նույնիսկ այդ որոշումը,նրանք չեն կայացնելու: Նրանց տեղը դա կատարելու է Սորոսը և նրա հայաստանյան ներկայացուցիչ Լարիսա Մինասյանը: Անկախ նրանից, թե ինչ որոշում կկայացվի, միևնույն է, սորոսականների «առաքելությունը» Հայաստանում արդեն ավարտվել է, երկրի աշխարաքաղաքական լյուստրացիան կատարված է: Մնացածը որոշումները կլինեն Հայաստանի զարգացման հետփաշինյանական փուլում, երբ սրանց վնասակարության չափը երկրի անվտանգության տեսանկյունից, ամբողջովին կբացահայտված կլինի:
Սա է իրականությունը:
Դավիթ Մկրտչյան
Հետևեք մեզ Facebook-ում