Ես որ պահանջեմ վարչապետի հրաժարականը, պետք է այդ հրաժարականը տա. Էդմոն Մարուքյան

«Ես չեմ ուզում մտերիմների արանքում վեճի մեջ մտնել»,- ԱԺ-ում լրագրողներին ասաց Լուսավոր Հայաստան խմբակցության ղեկավար Էդմոն Մարուքյանը՝ անդրադառնալով իշխանության ու ԲՀԿ-ի միջև տեղի ունեցող գործընթացներին։

«Երբ դրանից հետո մեր և ԲՀԿ-ի միջև սկսվեց պատերազմ, էլի այդ քաղաքական գործիչները ոչ մի բան չասացին։ Եվ հիմա բոլորը խոսում են Ծառուկյանից։ Այսինքն՝ և հուշագիր ստրագրողներն են խոսում, և հետը հարսանիք գնացողները, քեֆ անողները։ Դրա համար եմ ասում, ես չեմ ուզում մտերիմների վեճի մեջ մտնել։ Մի հատ իրենց հուշագիրը կարդացեք»,- ասաց Մարուքյանը։

Հարցին, թե հնարավո՞ր է միանան ԲՀԿ-ին ու պահանջեն կառավարության հրաժարականը, Էդմոն Մարուքյանը պատասխանեց․ «Լուսավոր Հայաստանն իր օրակարգն ունի, որ օրը մենք որոշենք, որ պետք է վարչապետի հրաժարականը պահանջենք, մենք դա օդում չենք որոշելու, մենք կնախաձեռնենք իմպիչմենթ խորհրդարանում։ Ես որ պահանջեմ հրաժարական, պետք է այդ հրաժարականը տա։ Հետևաբար, եթե չեմ պահանջում, ուրեմն դրա հասունությունն ու նախադրյալները չկան»։

Zham.am