Շառլ Ազնավուր. Հայաստանին օգնություն է հարկավոր (Տեսանյութ)

Ֆրանսահայ աշխարհահռչակ շանսոնյե Շառլ Ազնավուրը դարձել է ռուսական «Առաջին ալիքի» «Երեկոյան Ուրգանտ» հաղորդաշարի հյուր: Եթերի ընթացքում հաղորդավարը հետաքրքրվեց, թե ու՞ր են ուղղվելու այն միջոցները, որոնք կստացվեն նրա հիմնադրամի կողմից, ապրիլի 5-ին կայանալիք համերգից հետո նրա հետ հատուկ հանդիպման տոմսերի վաճառքից: Փոխանցում է «rusarminfo.ru»-ն:

«Հայաստանին օգնություն է հարկավոր: Դա ուրիշ երկրներով շրջապատված փոքր երկիր է. ոմանք ընկերներ են, ոմանք՝ թշնամի: Կցանկանաի նրա շուրջ միայն ընկերներ տեսնել, բայց պետք է, որ նրանք էլ մեր արժեհամարգն ունենան: Դա արժեհամակարգի խնդիր է: Դա նավթի կամ հողի խնդիր չէ, ինձ դա չի հետաքրքրում: Ինձ հետաքրքրում է, որ մարդը մարդ մնա», - ասաց Շառլ Ազնավուրը: 

Շառլ Ազնավուրը պատմեց նաև նրա ընտանիքի մասին:  Կնոջ հետ երկարատև հարաբերությունների (այս տարի նրանք կնշեն ամուսնության 50 ամյակը) հարցում կարևորեց իրար հակասող բնավորությունների համադրումը և դաստիարակությունը:

«Ջերմությունը և ցուրտն ամուսնացել են: Նա շվեդուհի է, ես՝ հայ: Ամեն ինչ հիանալի աշխատում է, ամեն ինչ մինչ այժմ պահպանվում է», - կատակով բնութագրեց իր ամուսնությունն Ազնավուրը: 

Zham.am