Սաակաշվիլուն առաջադրել են Վրաստանի վարչապետի թեկնածու
«Միացյալ ազգային շարժում» կուսակցության նախագահ Գրիգոլ Վաշաձեն հայտարարել է, որ քաղաքական ուժը առաջադրել է Վրաստանի նախկին նախագահ Միխեիլ Սաակաշվիլիին որպես երկրի վարչապետի թեկնածու:
Ինչպես հաղորդում է ՏԱՍՍ գործակալությունը, համապատասխան հայտարարությունը Վաշաձեն արել է ճեպազրույցի ժամանակ:
««Միացյալ ազգային շարժում» և բոլոր կուսակցությունները, որոնք մտնում են ընդդիմադիր միության մեջ, որոշում են կայացրել առաջադրել նրա թեկնածությունը Վրաստանի վարչապետի պաշտոնին», - ասաց նա:
Հիշեցնենք՝ օրեր առաջ Միխեիլ Սաակաշվիլին տարածել էր տեսանյութ, որտեղ թույլ տրված սխալների համար ներողություն էր խնդրում վրաց ժողովրդից և հայտարարում, որ վերադառնալու է: Այսօր նախկին նախագահը ևս մեկ հայտարարություն է նախատեսում անել իր՝ Վրաստան վերադարձի հետ կապված:
Zham.am
Հետևեք մեզ Facebook-ում