«Արձակուրդ պատերազմի ընթացքում». Մարդկանց մահերի համար պարգևավճա՞ր են սպասվում

Այսօր առավոտյան Հայաստանյան թերթերից մեկը մի հետաքրքիր նյութ հրապարակեց, որում հարց էր հնչեցնում,  թե ինչով է զբաղված Արսեն Թորոսանը, երբ երկրում աննախադեպ քանակի մարդիկ են թունավորվել ու մահացել անորակ ալկոհոլ օգտագործելու պատճառով:

Հիշեցնենք, որ  հիշեցնենք, որ սեպտեմբերի 3-ին մեր երկրում արձանագրվել է ալկոհոլային թունավորման, կարելի է ասել, աննախադեպ քանակով՝ 38 դեպք: 14 քաղաքացի արդեն մահացել է թունավորման հետևանքով։

Արսեն Թորոսյանի հետ կապված վերջին իրադարձությունները տարբեր մեկնաբանությունների առիթ դարձան այդ թվում նաև կոնսպիռոլոգիական բնույթի մեկնաբանություններ եղան, սակայն մեզ մնում է արձանագրել միայն մեկ փաստ՝ Հայաստանում իրապես աննախադեպ բան է տեղի ունեցել և անորակ ալկոհոլի պատճառով ավելի քան տասը մարդ է մահացել, արդյոք սա առիթ չէ, որպեսզի որոտի պատասխանատու նախարարը հանրությանը տեղեկացնի իրավիճակի եղելությունը, ինչպես նաև ղեկավարի այն քայլերի իրականացնումը, որոնք գոնե այս պահին կկարողանան դադարեցնել թունավորումների շարքը, բայց դրա փոխարեն Արսեն Թորոսյանը արշավներում է:

Արսեն Թորոսյանի արձակուրդը կարելի է դիտարկել նաև իշխանությունների ընդհանուր ցինիկ մոտեցումների համատեքստում: Դատեք ինքներդ. իշխանությունների տարբեր ներկայացուցիչներ, ինչպես նաև իշխանությունների շահերը ներկայացնող տարբեր թոշակառու անձիք ընդդիմությանը քննադատում էին նրա համար, որ կորոնավիրուսի պայմաններում կառավարության հրաժարականն էին պահանջում նշելով, թե դա նույն է, որ պատերազմական պայամններում պահանջես գերագույն գլխավոր հրամանատարի հրաժարականը: Ինչ է ստացվում, որ ոչ միայն պատերազմը չի ավարտվել, այլև մարդիկ շարոնակում են կորոնավիրուսի հետևանքով մահանալ,(Սեպտեմբեր 4-ին մահվան՝ 5 նոր դեպք. մահվան ընդհանուր դեպքերի թիվը հասել է 1163-ի) բայց դա չի խանգարում «գերագույն գլխավոր հրամատար»,  Նիկոլ Փաշինյանին, «շտաբի պետ», Արսեն Թորոսյանին, ինչպես նաև նախագահ Արմեն Սարգսյանին առոք-փառոք գնալ արձակուրդի:

Գիտեք, որ հետևելով Հայաստանյան քաղաքական իրադարձություններին տպավորություն է ստեղծվում, որ պաշտոնյալները իրար միջև մրցում են ոչ թե էֆեկտիվ կառավարելու առումով, այլ ցինիզմի դրսևորման առումներով դրա պատճառով է, որ Արսեն Թորոսյանն իրեն թույլ է տալիս գնալ արձակուրդ, թույլ է տալիս չարձագանքել մասսայական թունավորումների, իսկ Ալեն Սիմոնյանն էլ իրեն թույլ է տալիս ասել, որ հաշվի առնելով, թե այն ինչ են իր մասին խոսում իրեն ոչ միայն պարգևավճար է հասնում, այլև՝ անվճար պարենային ապրանքներ (դիտել 31:02-ից):

Արդյո՞ ք սրա համար էին մարդիկ 2018 թ.-ին  դուրս եկել փողոց:

Սևակ Դանիելյան