Թուրքիան ռազմական բազա է ստեղծում Նախիջևանում, իսկ 500 սիրիացի զինյալները Ադրբեջանում պատրաստվում են բլիցկրիգի Հայաստանի դեմ

2 Սեպտեմբեր, 2020 12:29

Դիտել նաև

Ադրբեջանից Հայաստան են ուղարկվել 18 վագոն բենզին և 8 վագոն դիզելային վառելիք Ադրբեջանում անհանգիստ են Ադրբեջանը սկսել է երեք նոր կամիկաձե անօդաչուների արտադրությունը Ադրբեջանը թարմացրել է 44-օրյա պատերազմում անհետ կորածների թիվը Ադրբեջանն առաջին անգամ ապրանք է ներմուծել Հայաստանից

Աշխարհում կոնֆլիկտային իրադարձություններ լուսաբանող մի շարք Telegram-ալիքներ հաղորդում են, որ մոտ 500 իրիացի զինյալ է ուղղվել Ադրբեջան, հիմնականում «Սուլթան Մուրադ», Ազատ Սիրիական բանակի և «Համզաթ» զինված խմբավորումներից:

«Независимая газета»-ի աղբյուրները պնդում են, որ տեղեկատվությունը ստուգվում է և առավել հավանական է, որ դա համապատասխանում է իրականությանը: Թերթը նաև հաղորդում է, որ Նախիջևանում փաստացի արդեն գոյություն ունի թուրքական բազա, համալրված անգամ ռազմական ինքնաթիռներով:

Մեկնաբանելով իրավիճակը իր Telegram-ալիքում արևելագետ Իգոր Դմիտրիևը պնդում է, որ «թուրքերը փաստացի արդեն ստեղծել են ռազմակայան Ադրբեջանում»:

«Ակտիվ լուրեր են շրջանառվում, որ զորավարժություններից հետո (ադրբեջանա-թուրքական մանևրները 2020 թ. հուլիսի-օգոստոսի սկզբին) Թուրքիան Ադրբեջանում է թողել իր զորքի մի մասը, այդ թվում F-16 ինքնաթիռներն անձնակազմով ի լրացում թուրքական անօդաչուների», - նշում է փորձագետը:

Թերթը նշում է, եթե Հայաստանի դաշնակիցը ղարաբաղյան հակամարտության ներկայիս իրավիճակում համարվում է Ռուսաստանը, ապա Ադրբեջանի կողմից այս հակամարտությունում կանգնած է լինելու Թուրքիան:

«Մի քանի տարի առաջ Թուրքիան չուներ ռազմակայաններ իր սահմաններից դուրս, բացառությամբ ռազմական ներկայության Կիպրոսի մի մասում, իսկ այսօր Թուրքիան ռազմակայաններ ունի Սոմալիյում, Կատարում, Իրաքում և Սիրիայում», - գրում է Daily Sabah թերթը:

Այս ցուցակում կարելի է ավելացնել նաև Լիբիան: Նշենք, որ գրեթե բոլոր տարածաշրջաններում կոնֆլիկտային իրավիճակները կարգավորելու դեպքում Անկարայի անունից աջակցություն են ցուցաբերում ոչ միայն կառավարական ուժերը, որտեղ առկա են նրա ռազմակայանները, այլև, այսպես կոչված, թուրքամետ պրոքսի խմբավորումներ: Եթե դրանք արդեն իսկ հայտնվել են Հայաստանում, նշանակում է, որ Բաքուն չի բացառում ռազմական սցենարը և թուրքական օգնության տրամադրումը Հայաստանի հետ տարածքային հակամարտությունը լուծելու հարցում:

Մոսկվան փորձում է զսպել այդ նկրտումները: Այն բանից հետո, երբ Ադրբեջանի նախագահ Իլհամ Ալիևը զանգահարեց ՌԴ նախագահ Վլադիմիր Պուտինին և իր դժգոհությունը հայտնեց ռազմական բեռներ Երևան հասցնելու համար, Բաքու է մեկնել ՌԴ պաշտպանության նախարար Սերգեյ Շոյգուն: Նա հայտարարեց, որ ինքնաթիռները Հայաստան էին հասցնում «շինանյութ ռուսական ռազմակայանի համար», և որ ՌԴ Ադրբեջանի նկատմամբ թշնամական գործողություններ չի իրականացնում: Բայց համոզեց ռուս նախարարը Բաքվին, հայտնի չէ:

Նշենք նաև, որ պաշտոնական Բաքուն ժխտում է ինչպես իր տարածքում սիրիական զինյալների առկայությունը, այնպես էլ Նախիջևանի տարածքում թուրքական ռազմակայանի փաստացի ստեղծումը: Սակայն տվյալ փաստը հերքող տեղեկություններն օր-օրի միայն ավելանում են: Դա իր հերթին նշանակում է, որ Անկարան փորձում է ակտիվ ներգրավվել Ղարաբաղյան հակամարտության կարգավորման գործընթացում, և պատրաստ է այդ ճանապարհին ապահովել Ադրբեջանին ռազմական կադրերով, ինչպես նաև ամրապնդել իր ռազմական ներկայությունը տարածաշրջանում:

Հ. Գ. Նշենք, որ այսօր՝ սեպտեմբերի 2-ին, Ադրբեջանի ռազմական գերատեսչությունը հանդես է եկել հայտարարությամբ, որով պաշտոնապես հերքում է սեպտեմբերի մեկին ռուսական «Նեզավիսիմայա գազետա» էլեկտրոնայաին թերթում տպագրված հոդվածը։

Միևնույն ժամանակ ադրբեջանագետ Կարեն Հովհաննիսյանը Ֆեյսբուքի իր էջում գրել է, որ «Ադրբեջանի ՊՆ-ն փոխանակ հիմնավոր հերքելու, կամ հաստատելու այդ հրապարկման մեջ արծածվող, ըստ էության, մեղադրանքները, փորձում է հայկական կողմին ներքաշել հոդվածի պատվիատու լինելու և ավելի հեռուն գնացող մեղադրանքների մեջ։

Ադրբեջանի պարտված բանակի հայտնում են, որ․ «Ադրբեջանի Պաշտպանության նախարարությունը պաշտոնապես հայտարարում է, որ երկրի տարածքում չկան օտարերկրյա պետությունների կամ որևէ այլ անօրինական զինված խմբերի ռազմաբազաներ:

Ադրբեջանական բանակի անձնակազմի արհեստավարժությունն ու մարտական փորձը, ինչպես նաև ծառայության մեջ գտնվող ռազմական տեխնիկան բավարար են Հայաստանի կողմից օկուպացված հողերն ազատագրելու և երկրի տարածքային ամբողջականությունը վերականգնելու համար ցանկացած մարտական առաքելություն արագ ավարտելու համար:

Ադրբեջանական բանակը դա ցույց տվեց 2016-ի ապրիլյան մարտերի ընթացքում, ինչպես նաև 2018-ին Նախիջևանում և 2020-ին Թովուզում անցկացված ռազմական գործողությունների ընթացքում»:

Zham.am