Ե՞րբ է Հայաստանում ներդրվելու «արտաքին կառավարում»

Ռուս մեծ դասական Լև Տոլստոյի խոսքերը ձեւափոփելով կարելի է ասել, որ բոլոր «երջանիկ հեղափոխությունները դժբախտ են» միանման: Հայաստանի և Ուկրաինայի հեղափոխությունների միջև զուգահեռները երկար ժամանակ անցկացվում են ինչպես հայկական, այնպես էլ ռուսական մամուլում, և դրա համար կան բազմաթիվ պատճառներ:

Սակայն, այսօր հայտնի դարձավ, որ ԱՄՆ Պետական դեպարտամենտը մտադիր է մասնագետ վարձել, որը կօգնի Հայաստանի կառավարությանը կոռուպցիայի դեմ պայքարում: Նա պետք է համագործակցի ՀՀ Արդարադատության նախարարության հետ և օժանդակի բարեփոխումների առաջխաղացմանը:

Մեր ընթերցողներին պետք է հիշեցնել, որ  ժամանակին ԱՄՆ-ն Ուկրաինայում հեղափոխական իշխանություններին տրամանադրված նմանատիպ «խորհրդակցություններով»  ակտիվացրեց իր գործողությունները այդ երկրում: Ի վերջո, այս ամենը հանգեցրեց նրան, որ Ուկրաինայում իշխանափոխություն կատարվելուց և Վլադիմիր Զելենսկու իշխանության գալուց հետո սկանդալ բռնկվեց՝ կապված Ուկրաինայի նախկին նախագահ Պետրո Պորոշենկոյի և ամերիկյան ղեկավարության ի դեմս փոխնախագահ  Ջո Բայդենի և նախագահ Դոնալդ Թրամփի միջեւ գաղտնալսված խոսակցությունների մասով:

Ուկրաինայի  նախկին նախագահի խոսակցությունները վկայում են, որ ուկրաինացիները ԱՄՆ-ի հետ համաձայնեցրել էն նույնիսկ  կադրային քաղաքականությունը: Այսպես, խոսակցություններում կար մի դրվագ, որը վերաբերում էր Ուկրաինայի նախկին գլխավոր դատախազ Վիկտոր Շոկինի պաշտոնանկությանը: Դրա դիմաց ԱՄՆ-ն Ուկրաինային խոստացավ հատկացնել 1 միլիարդ դոլար: Բացի այդ, ձայնագրության մեջ քննարկվել են խորհրդարանում կոալիցիայի ենթադրյալ ներկայության, նախկին վարչապետ Արսենի Յացենյուկի կառավարության հրաժարականի և Ռադաում վարչապետ Վլադիմիր Գրոյմանի կառավարության  հաստատման հարցերը:

Այս խոսակցությունները հրապարակելուց հետո ուկրաինացի քաղաքագետներից շատերը նշել էին, որ դրանք վկայում են այն մասին, որ «իրականում Ուկրաինայում ներդրվել էր արտաքին կառավարում», ինչը հանգեցրել է այսպես կոչված «խորքային պետության» (deep state) ինստիտուտների ոչնչացմանը:

Հրապարակված տվյալներն այն մասին, որ ԱՄՆ Պետդեպարտամենտը մտադիր է օգնել Հայաստանին «խորհրդակցություններով» կոռուպցիայի դեմ պայքարի հարցում՝ դրա համար հատուկ խորհրդական տրամադրելով, մեզ հանգեցնում է հետևյալ հարցերի. Կառավարությունը պատրաստվո՞ւմ է իրականացնել «Հայաստանւոմ արտաքին կառավարում», և եթե այդպես է, ե՞րբ է նախատեսվում իրականացնել այն, և արդյո՞ք երկրի ղեկավարությունը տեղյակ է այս քայլերի հետեւանքների մասին:

Սևակ Դանիելյան