«Ինչպե՞ս է ստացվում, որ ընտրություններն անվավեր չճանաչած դատավոր Աշոտ Խաչատրյանին շնորհավորում եք, իսկ Թովմասյանին երկու տարի է՝ ուզում եք պաշտոնանկ անել». Արսեն Բաբայան
Ինչպե՞ս է ստացվում, որ ընտրություններն անվավեր չճանաչած դատավոր Աշոտ Խաչատրյանին վարչապետով ու ԱԺ նախագահով շնորհավորում եք, իսկ Թովմասյանին երկու տարի է՝ ուզում եք պաշտոնանկ անել: Այս մասին ֆեյսբուքյան իր էջում «Հայրենիք» կուսակցության խորհրդի անդամ Արսեն Բաբայանն է գրել՝ անդրադառնալով Սահմանադրական դատարանի շուրջ ստեղծված իրավիճակին:
«Մարդ ձեզանից գլուխ չի հանում:
ՍԴ դատավոր Աշոտ Խաչատրյանը պաշտոնավարման ընթացքում՝ որպես դատավոր, մասնակցել է բոլոր ընտրությունների վիճարկման դատաքննություններին, և այդ բոլոր դատաքննություններում երբեք ընտրություններն անվավեր չեն ճանաչվել:
Հրայր Թովմասյանը ՍԴ դատավորի և ՍԴ նախագահի պաշտոններում երբեք չի քննել ընտրություններին առնչվող դատական գործեր:
Դուք ՍԴ-ն հակապետական եք համարում այն պատճառով, որ երբևէ ընտրություններն անվավեր չի ճանաչել:
Ընկերներ, այդ դեպքում ինչպե՞ս է ստացվում, որ այդ բոլոր ընտրություններն անվավեր չճանաչած դատավոր Աշոտ Խաչատրյանին վարչապետով ու ԱԺ նախագահով շնորհավորում եք, իսկ Հրայր Թովմասյանին արդեն շուրջ երկու տարի է ուզում եք պաշտոնանկ անել:
Կողմնորոշվեք խնդրում եմ...»:
Հետևեք մեզ Facebook-ում