Թրամփն իր ամբողջ աշխատավարձը փոխանցում է կորոնավիրուսի դեմ պայքարին

ԱՄՆ նախագահ Դոնալդ Թրամփը հայտարարել է, որ տարեկան 400-ից 450 հազար դոլար կազմող իր ամբողջ աշխատավարձը փոխանցում է կորոնավիրուսի դեմ պայքարին, փոխանցում է ՏԱՍՍ-ը:

«Ես տարեկան 400-ից 450 հազար դոլար իմ ամբողջ աշխատավարձը կառավարությանն եմ տալիս եւ ամենասկզբից էլ տվել եմ: Վերջին չեկը [փոխանցվել է] COVID-ին (կորոնավիրուսի առաջացրած հիվանդություն) արձագանքմանը ԱՄՆ առողջապահության նախարարության եւ սոցիալական ծառայությունների ջանքերի համար: Սա մեծ պատիվ է»,- իր Twitter-յան էջում նշել է Թրամփը:

ԱՄՆ նախագահն իր հրապարակմանը կցել է հղումն այն տեղեկությանը, որ ինքը այս տարվա առաջին եռամսյակի իր ամբողջ աշխատավարձը՝ 100 հազար դոլար փոխանցել է կորոնավիրուսի դեմ պայքարում դեղերի մշակմանը:

Ջոն Հոփքինսի համալսարանի տվյալներով, որը հաշվարկներ է կատարում դաշնային եւ տեղական իշխանությունների տեղեկությունների հիման վրա, ԱՄՆ-ում գրանցվել է կորոնավիրուսով վարակման ավելի քան 1,64 մլն դեպք, մահացել է 97,7 հազարից ավելի մարդ:

Zham.am