Հեռախոսներ թռցնելու օպերացիայի հրահանգ է տրված, նպատակն ընդդիմադիր հայացքներով անձանցից ցանկալի տեղեկատվություն ձեռք բերելն է
«168 ժամ» թերթը գրում է. «Մեր տեղեկություններով՝ իշխանությունները մարդկանց հատուկ խումբ է ձևավորել, որոնց գործառույթը պետք է լինի իրենց թիրախում գտնվող ընդդիմադիր հայացքներ ունեցող, Նիկոլ Փաշինյանի և նրա կառավարության անդամների քայլերին դեմ արտահայտվող անձանց՝ քաղաքական-հասարակական գործիչների, տնտեսվարողների, լրագրողների, առհասարակ՝ ակտիվ գործունեություն ծավալող անձանց հեռախոսները, այսպես ասած որևէ ձևով թռցնելը։
Ազգային անվտանգության ծառայության մեր աղբյուրը խստիվ զգուշացրեց, որ որևէ վայրում պետք չէ հեռախոսը թողնել սեղանին, դրսում որևէ մեկի հեռախոս չտրամադրել որևէ պատրվակով՝ լինի դա ինչ-որ տեղ զանգելու կամ այլ։
Տեղեկացնենք նաև, որ տևական ժամանակ է՝ ռեստորաններում և սրճարաններում մարդիկ ոչ միայն խուսափում են միմյանց հետ շփվել, այլև մատուցողներին հատուկ զգուշացնում են իրենց սեղաններից հեռացնել անձեռոցիկների տուփերը և հատկապես հեռախոսները լիցքավորող սարքերը»։
Մանրամասները՝ թերթի այսօրվա համարում:
Հետևեք մեզ Facebook-ում