Ռուսաստանի դեսպանը՝ հայ փախած պաշտոնյաներին հանձնելու մասին. Այս հարցը չպետք է վրդովի երկկողմ հարաբերությունները

Հայաստանից հեռացած նախկին պաշտոնյաներին հանձնելու հարցը, որոնց դեմ հանրապետությունում քրեական գործեր են հարուցված, իրավական հարթությունում է, այլ ոչ քաղաքական: Այս մասին դեկտեմբերի 24-ին տարեվերջյան ամփոփիչ մամուլի ասուլիսի ժամանակ ասաց Հայաստանի Հանրապետությունում Ռուսաստանի Դաշնության արտակարգ եւ լիազոր դեսպան Սերգեյ Կոպիրկինը:

«Իմ կարծիքով՝ Հայաստանի գլխավոր դատախազը բավականին հստակ արտահայտվեց՝ մեկնում են ոչ միայն Ռուսաստան, մեկնում են այնտեղ, որտեղ ավելի նպատակահարմար, բարենպաստ են համարում: Ես Ռուսաստանը չէի առանձնացնի», - ասաց դեսպանը:

Ինչ վերաբերում է հանձնելու կամ չհանձնելու հարցին, ապա, ռուս դիվանագետի կարծիքով, չարժե այն գիտակցաբար քաղաքականացնել: «Դա, առաջին հերթին, իրավական հարց է, որը պետք է լուծվի եւ լուծվում է մեր երկրների համապատասխան իրավասու մարմինների մակարդակում»,- շեշտեց Կոպիրկինը՝ նշելով, որ սա այն հարցը չէ, որը պետք է վրդովի երկկողմ հարաբերությունները:

Աղբյուր՝ NEWS.am