Ադրբեջանում հիստերիայի մեջ են ընկել Երևանում Լավրովի հայտարարություններից հետո

Եվ այսպես պարզվում է, որ  Լավրովի այցին Հայաստան ոչ պակաս հետևում էին նաև հարևան Ադրբեջանում: Լավրովի այն թեզը, թե Ղարաբաղի խնդիրը պետք է լուծվի Հայաստանի, Ղարաբաղի և Ադրբեջանի ժողովուրդների շահերից ելնելով, գրեթե համազգային պսիխոզի մեջ է գցել ադրբեջանցիներին: Պարզվում է, երբ Փաշինյանն էր այդ խոսքերն ասում նրան հարևան երկրում լուրջ չէին վերաբերվում, իսկ ահա, երբ այդ մասին խոսեց Լավրովը, Ադրբեջանի քաղաքական վերնախավը ցնցում ապրեց: Հատկապես ադրբեջանցիներին զայրացրել էր Լավրովի այն խոսքերը, թե «Ղարաբաղի ժողովուրդի շահերը նույնպես պիտի հաշվի առնվի»: Ըստ ադրբեջանցիների` Ղարաբաղում ոչ թե ժողովուրդ կա, այլ բնակչություն: Իսկ,  որպեսզի այն իրավունք ունենա կոչվելու ժողովուրդ, ապա պետք է վերադարձվեն բուն Ղարաբաղում ապրող ադրբեջանցիները:

Ճիշտ է, որ Ռուսաստանի  պաշտոնական կայքում ԱԳՆ Լավրովի այս խոսքերը հեռացրեց, սակայն ինչպես ասում են ադրբեջանցիների մոտ լուրջ նստվածք թողեց:

Արդեն հիշել են, որ Լավրովն իր ծագումով  ոչ թե ռուս է, այլ հայ: Իսկ նրա  իսկական ազգանունը Քալանթարով է: Արդեն ադրբեջանցիները  սկսել են դանոսներ գրել, թե իբր «հայ գործիչն է ներկայացնում Մոսկվայի շահերը այս հարցում»:

Այդ երկրի փորձագիտական շրջանակները արդեն սկսել են պահանջել Մամեդյարովի հրաժարականը: Քանզի, ըստ նրանց, նա մոլորեցրել էր ադրբեջանցի հանրությանը, լռելով Մոսկվայի իրական նպատակների մասին: Ավելին, երբ Մասիս Մայիլյանի այցելության պատճառով  ԱՄՆ, պաշտոնական Բաքուն բողոքի նոտայով հանդես եկավ Վաշինգտոնի հասցեին: Ապա երբ նույն այցելությունը Արցախի ԱԳ նախարարը կատարեց Մոսկվայում, Ադրբեջանի ԱԳՆ մի քանի օր որևէ բողոքով հանդես չէր գալիս:

Եվ ահա Լավրովի այս վերջին այցելությունը Երևան կարելի է ասել ցնցեց ադրբեջանցիներին:

Ինչպիսին կլինի Ադրբեջանի պաշտոնական  արձագանքը պարզ կդառնա մոտ ժամանակներս:

Իսկ այսօր հայտնի է, որ ինչ- որ նոր փաստաթուղթ  է դրված սեղանին, որից, սակայն ադրբեջանցիները մեծ հույսեր չունեն: Նրանք  կարոտով են հիշում Բոլթոնի առաջարկները և կրկին հիշեցնում ռուսներին, որ մեծ մասամբ  հենց Մոսկվայի ջանքերով  այդ նախաձեռնությունը շարունակություն չունեցավ:

Արտակ Հակոբյան