Գերմանիան առաջարկում է մտածել Ռուսաստանի մասնակցությունը Օլիմպիական խաղերին դադարեցնելու մասին

Գերմանիայի Ազգային օլիմպիական կոմիտեի նախագահ Ալֆոնս Հերմաննը առաջարկել է ամբողջությամբ դադարեցնել ռուսաստանցիների մասնակցությունը Պխենչխանում 2018-ին կայանալիք ձմեռային և Տոկիոյում 2020-ին կայանալիք Ամառային օլիմպիական խաղերից, այն դեպքում, եթե հաստատվեն երկրում դոփինգի պետական ծրագրի մասին մեղադրանքները։ Այս մասին նա հայտնել է Handelsblatt թերթին։

Ավելի վաղ Համաշխարհային հակադոփինգային գործակալության անկախ հանձնաժողովը՝ Ռիչարդ Մակլարենի գլխավորությամբ հրապարակել էր ոփինգի մասին զեկույցի երկրորդ հատվածը։ Դրանում նշվում է, որ ռուսաստանցի մարզիկները՝ մասնավորապես բիաթլոնիստները, արգելված դեղամիջոցներ են օգտագործել։

Զեկույցը հրապարակելուց հետո Բիաթլոնիստների միջազգային միությունը հետաքննություն էր սկսել ռուսաստանցի մարզիկների դեմ։ Նախօրեին պարզվել է, որ 29 հարուցված գործերից 22 փակվել են՝ ապացույցների բացակայության պատճառով։

Zham.am