Գագիկ Ծառուկյանը՝ իր և Սերժ Սարգսյանի հարաբերությունների մասին

Մարտունիում քարոզարշավի ժամանակ ԲՀԿ առաջնորդ Գագիկ Ծառուկյանն անդրադարձավ 2015 թվականին իր՝ քաղաքականությունից դուրս գալու մասին հարցին:

Ելույթն ավարտելուց հետո լրագրողները նրան հարց ուղղեցին այդ մասին. «Ամբողջ ազգը ոտքի վրա էր, ամբողջ ազգը դուրս էր գալիս՝ փոքր ու մեծ, ու տեսնելով, որ մի գիշերվա մեջ 639 հոգի իմ ակտիվիստներին կալանավորել էին ու եթե պետք է իմ ժողովրդի մատից արյուն թափվեր, ես չէի կարող դա թույլ տալ: Դրա համար էջը ծալեցի, որովհետև ես քաղաքականությամբ չեմ ապրում...»:

Այն հարցին, թե ինչպես ստացվեց, որ հաշտվեց  Սերժ Սարգսյանի հետ, ասաց. «Կուսակից ընկերները, հասարակությունը պահանջում էր, որ վերադառնամ ու առանց որևէ մեկից համաձայնություն վերցնելու, մասնակցեցինք ընտրություններին»:

Մյուս դիտարկմանը, թե Ձեր և Սերժ Սարգսյանի հարաբերությունները բավական ընկերական էին ԲՀԿ առաջնորդը պատասխանեց. «Ցանկացած ընկերական, ասենք թե, դա երբեք ու երբեք, ասենք թե, շփումը, որ երկրի նախագահն ա, էդ որևիցե մեկը, որ խոսում ա, անկախ նրանից՝ ինչ ընդդիմություն էլ լինի, պարտավոր ես հանդիպել, կիսվել, քո միտքն ու գաղափարն ասել»:

Zham.am