«Հին Ընտրական օրենսգիրքը միշտ էլ աշխատել է թաղային հեղինակությունների համար». Անժելա Խաչատրյան
«Եթե խորհրդարանական երկիր ենք կամ դառնալու ենք, ապա ԱԺ-ում պետք է բազմակարծությունը ապահովվի, իսկ հին ԸՕ-ն այդ հնարավորությունը չի տալիս: Այդ օրենսգրքով գնալ ընտրության այնքան էլ ճիշտ չէ»,- լրագրողների հետ զրույցում նշեց Ազատ դեմոկրատներ կուսակցության փոխնախագահ Անժելա Խաչատրյանը:
Վերջինս համոզված է, որ հին Ընտրական օրենսգիրքը աշխատել է, այսպես կոչված, թաղային հեղինակությունների և վարչական ու ֆինանսական բազա ունեցողների համար և այս օրենսգրքով` որոկյալ Ազգային ժողով ունենալ չենք կարող:
«Այժմ կուսակցությունների մեծ մասը չգիտի ինչ անի` առանձին հանդես գա, թե դաշինքով: Առաջարկվող փոփոխությունները շահավետ էին բոլորի համար և լավ հնարավորություն` նորաստեղծ կուսակցությունների համար»,- շեշտեց բանախոսը:
Անժելա Խաչատրյանը նշեց, որ իրենց կուսակցությունում քննարկումներ ընթանում են` ներկայանալու ձևաչափը հստակեցնելու համար և առաջիկայում վերջնական որոշումը կկայացնեն, բայց «հստակ է, որ դաշինք կկազմենք գաղափարակից ուժերի հետ»,- եզրափակեց նա:
Zham.am
Հետևեք մեզ Facebook-ում