«Խորհրդարանում բավականին հետաքրքիր պատկեր կլինի, իրապես քաղաքական ԱԺ կընտրվի». Ալեն Սիմոնյան

«Ազատության» «Կիրակնօրյա վերլուծական» հաղորդման ժամանակ «Ելք» խմբակցության պատգամավոր Ալեն Սիմոնյանը ասել է, թե չի բացառում, որ Նիկոլ Փաշինյանը կրկին կառաջադրվի, և այդ համար 1 քաղաքական ամբիոնը կօգտագործվի քաղաքական խնդիրներ բարձրացնելու համար:

Անդրադառնալով այն հարցին, թե ովքե՞ր են լինելու կուսակցության ցուցակի առաջին 5 տեղերն զբաղեցնող անձինք, Ալեն Սիմոնյանը պատասխանել է, որ դա դեռևս հայտնի չէ, սակայն, հավանաբար, «Իմ քայլը» դաշինքի ցուցակը կգլխավորի հենց Նիկոլ Փաշինյանը:

«Հավատացեք, որ կտեսնեք տարբեր մարդկանց, ձեր կողմից հարգված մարդկանց՝ տարբեր ոլորտներից, արհեստավարժ մարդկանց՝ ըստ Ազգային ժողովի սպասարկման ուղղությունների՝ արտաքին քաղաքականություն, պաշտպանության, իրավական հարցեր»,-ասել է նա:

Ըստ Սիմոնյանի՝ խորհրդարանում բավականին հետաքրքիր պատկեր կլինի, իրապես քաղաքական ԱԺ կընտրվի.«Ես կարող եմ 3 ուժ ասել, որովհետև 4-րդի մասին կարող եմ սխալվել, դա իմ տպավորությունն է՝ հենվելով քաղաքի ընտրության վրա: Այսինքն՝ կլինեն «Իմ քայլը», «Ծառուկյան» և «Լույս» դաշինքները, իսկ 4-րդի համար, կարծում եմ, պայքար է գնալու»,-հավելել է պատգամավորը: 

Zham.am