Էրդողանը ավելի վտանգավոր է դառնում Հայաստանի համար
Երեկվա իր կուսակցության համագումարում Էրդողանը արդեն բացահայտ կայսրապաշտ հայտարարություններով է հանդես եկել՝ մեղադրելով Արևմուտքին, քրդերին, Բաշար Ասադին և քողքրկված նաև Թեհրանին ու Մոսկվային: Բացի այդ, նա փորձելով նմանվել անցած դարի 30-ական թվականների Հիտլերին, կոչ արեց ողջ ժողովրդին մոբիլիզացվել իր շուրջ՝ հասնելու համար պանթուրքիստական իրենց նպատակներին: «Երբ որ հրահանգը լինի, մենք բոլորս պետք է մոբիլիզացվենք պատերազմից առաջ: Այդ պատերազմում ես ձեզ կառաջնորդեմ և մենք միասին կհաղթենք, որովհետև մենք հավատում ենք Շահադատի գաղափարին»,- նշել է իր ելույթում Էրդողանը: Իսկ որպես սիմվոլիկ նշան նա իր աջ ձեռքը բարձրացրեց ցուցադրելով «գորշ գայլերի» նշանը:
Փորձագետների կարծիքով Էրդողանը գալիք նախագահական ընտրություններից առաջ ուզում է պաշտոնապես լայն դաշինք կազմել ազգայնականների հետ, որպեսզի հենց առաջին փուլում կարողանա հաղթանակ տանել իր հակառակորդների հանդեպ: Իսկ դրա համար նա սկսել է ավելի ազգայնական կարգախոսներով հանդես գալ, որը անշուշտ ոգևորելու է նաև Բաքվին:
Իսկ Հայաստանում պատրաստվում են իրականացնել «մենք անփոխարինելի առաջնորդ ունենք» սպեցօպերացիան, որը մեր երկրի շահերի հետ որևէ կապ չունի, եթե չասենք հակառակը:
Արտակ Հակոբյան
Հետևեք մեզ Facebook-ում