89-ամյա տատիկը բարձրահարկ շենքից իրեն ցած է նետել

Այսօր՝ փետրվարի 6-ին, ողբերգական դեպք է տեղի ունեցել Երևանում։ Ժամը 10։30-ի սահմաններում ոստիկանության Երևան քաղաքի վարչության օպերատիվ կառավարման կենտրոն ահազանգ է ստացվել, որ Արմեն Տիգրանյան 3-րդ շենքի բակում կնոջ դի կա։

Ինչպես հայտնում է shamshyan.com-ը, նշված վայր են ժամանել ոստիկանության Քանաքեռ-Զեյթուն բաժնի օպերատիվ խումբը և Հայաստանի քննչական կոմիտեի Երևան քաղաքի քննչական վարչության Քանաքեռ-Զեյթուն քննչական բաժնի քննիչները։

Ոստիկաններն ու քննիչները նշված շենքի բակում հայտնաբերել են նույն շենքի բնակիչ, 89-ամյա Մարուսյա Ավետիսյանի դին, ով, ըստ նախնական տեղեկությունների, 7-րդ հարկից ինքնասպանություն է գործել։

Փաստի առթիվ քննչական բաժնում նյութեր են նախապատրաստվում։ Քննիչի որոշմամբ նշանակվել են մի շարք փորձաքննություններ։