Հովհաննավանքից ոստիկանները բռնի ուժով հեռացրեցին քաղաքացուն, որը բղավեց՝ Ստեփան Ասատրյանը չի կարող պատարագ մատուցել

Հովհաննավանքից քիչ առաջ անվտանգության աշխատակիցները բռնի ուժով, բերանը փակած, հեռացրեցին մի քաղաքացու։ Նա պատարագի ժամանակ, որին ներկա էր նաեւ Փաշինյանը, բազմության միջից բղավել էր.  «Ստեփան Ասատրյան, դու իրավունք չունես պատարագ մատուցելու»: Արդեն բակում ոստիկանները նրան հրելով դուրս հանեցին բազմության մեջից եւ հեռացրին եկեղեցու տարածքից՝ լրագրողներին ասելով, թե տանում են առանձին զրուցելու:

Նշենք, որ այս պահին նախկին քահանա Ստեփան Ասատրյանը պատարագ է մատուցում Հովհաննավանքում:

Օրեր առաջ կարգալույծ հռչակված քահանա Ստեփան Ասատրյանը հայտարարել էր, որ պատարագն ինքն է մատուցելու, իսկ չորեքշաբթի վարչապետ Նիկոլ Փաշինյանը հայտարարել էր, որ մասնակցելու է այդ պատարագին եւ կսատարի նախկին քահանային։ Տեղեկություններ կան, որ իշխող ուժը հատկապես մարզպետներին հրահանգել է մարդկանց բերել այսօրվա պատարագին։

Հատկանշական է, որ այսօր Քննչական կոմիտեն հարցաքննության է կանչել Արագածոտնի թեմի 21 հոգեւորականներին։ Սա արվեց այն բանից հետո, երբ Տեր Սարգիսը լրագրողների հետ զրույցում հայտարարեց, որ Հովհաննավանքում պատարագն ինքն է մատուցելու։
Աղբյուր` News.am 
Կարմիր կիսաշրջանով նշվածը քաղաքացու վրա հարձակված հոգով քպ-ական «ոստիկանն» է