Հիմա համոզված եմ, որ չկա այդ արդարադատությունը․ վրաերթի ենթարկված Սոնա Մնացականյանի հայր

«Համաձայն չեմ որոշման հետ, բողոքարկելու եմ, որովհետև համոզված չեմ, որ այդ մեկ տարի 6 ամիսն էլ չի փոխվի։ Ամենայն հավանականությամբ, հետագա փուլերում, բողոքական փուլերում ազատազրկումը կփոխվի ինչ-որ մի ուրիշ պատժով։ Այսինքն՝ խափանման միջոցը կփոխվի։ Մնացած հարցը քննարկենք իմ դատապաշտպանի հետ»,- լրագրողների հետ զրույցում ասաց Սոնա Մնացականյանի հայրը՝ Մնացական Մնացականյանը։

Հարցին, թե արդյո՞ք փոխհատուցման չափը բավարարվել է, Մնացականյանն ասաց․ «Դա առանձնապես մեծ նշանակություն չունի իմ համար, ուղղակի պետք է ես ներկայացնեի իմ ծախսերը, ես էլ ներկայացրեցի դրանք։ Այսքանը»,- հավելեց տուժող կողմը՝ հավելելով․ «Իմ հույսերը ավելի շատ էին, որ իսկապես  արդարադատություն կլինի, բայց հիմա համոզված եմ, որ չկա այդ արդարադատությունը»։

Հիշեցնենք, որ այսօր դատարանի որոշման Արամ Նավասարդյանի նկատմամբ պատիժ սահմանվեց ազատազրկում՝ 1 տարի 6 ամիս  և 4 մլն դրամ փոխհատուցում։

Հիշեցնենք, որ 2022 թ. ապրիլի 26-ին՝ ժամը 18:05-ի սահմաններում, Պարոնյան-Լեո փողոցների խաչմերուկում ՀՀ ոստիկանության «Ճանապարհային ոստիկանություն» ծառայության ուղեկցող սպայական վաշտի հրամանատար Արամ Նավասարդյանի իր կողմից վարած «Տոյոտա Պրադո» մակնիշի ավտոմեքենայով վրաերթի է ենթարկել Արարատի մարզի 28-ամյա բնակչուհուն, որի հետեւանքով ստացած մարմնական վնասվածքներով վերջինս տեղափոխվել է «Նաիրի» բժշկական կենտրոն, որտեղ գիտակցության չգալով՝ մահացել է: Նշված ավտոշարասյունն ուղեկցելիս է եղել Նիկոլ Փաշինյանին, իսկ մահացած կինը հղի է եղել։
Աղբյուրը` Panorama.am