«Արևմտյան ադրբեջանցիների վերադարձի» հարցը դառնում է քննարկման թեմա միջազգային հարթակներում․ Թահիր Միրկիշիլի

«Զանգեզուրի միջանցքի» և «արևմտյան ադրբեջանցիների» վերադարձի հետ կապված հարցերը դառնում են քննարկման թեմաներ միջազգային հարթակներում: Ադրբեջանական լրատվամիջոցների փոխանցմամբ՝ այս մասին հայտարարել է Ադրբեջանի Միլլի Մեջլիսի պատգամավոր Թահիր Միրկիշիլին:

Նրա խոսքով՝ ներկայիս Տնտեսական համագործակցության կազմակերպության գագաթնաժողովը երրորդն էր, որը կազմակերպվել է Ադրբեջանի կողմից, սակայն այս անգամ միջոցառումն ուներ հատուկ նշանակություն։

«Խանքենդիի ընտրությունը որպես վայր խորհրդանշական էր։ Երկարատև հակամարտությունից հետո առաջին անգամ Խանքենդիում անցկացվեց միջազգային գագաթնաժողով։ Այն ժամանակ, երբ հյուսիսում և հարավում պատերազմներ են ընթանում, Խանքենդիից հնչող ձայնը, այն հարթակից որտեղ քննարկվում են Ադրբեջանով անցնող Միջին միջանցքի, Զանգեզուրի միջանցքի, արևմտյան ադրբեջանցիների՝ իրենց հայրենիք վերադարձի հարցերը, դարձավ բաց ուղերձ ամբողջ աշխարհին»,- նշել է ադրբեջացի պատգամավորը: