Ապրիլ ամսից մենք հայտնվելու ենք դրսում. Արցախցի բռնագաղթած

Արցախց բռնագաղթած ստեփանակերտցի Ժորա Հայրապետյանն ահազանգում է, որ ՀՀ կառավարության ընդունած ծրագրերի արդյունքում շատ ծանր իրավիճակում է հայտնվելու։ Նա իր մոր և հաշմանդամ տատի հետ բնակուվում է Գորիսում, որտեղ չի կարողանում աշխատանքն գտնել, իսկ կառավարությունը ապրիլից  40+10 հազար դրամ աջակցությունը չի տրամադրի աշխատունակ բռնագաղթածներին։

«Ապրիլի 1-ից ա(ակցությունը էլ չի տրամադրելու, արցախից բռնագաղթածների մեծամասնությունը հայտնվելու է դրսում։ Հիմնական ծրագրի մեջ ՀՀ կառավարությունը փոփոխություն կատարեց, ըստ որի աջակցությունը տրամադրվելու է միայն հաշմանդամներին, թոշակառուներին անչափահասներին և 18 տարեկանից բարձր անձանց, ովքեր սովորում են քոլեջներում և արհեստագործական ուսումնարաններում։ Այսինքը չեն տալիս նրանց, ովքեր կարողե են աշխատել։  Սա խտրականություն է, պետք է բոլորին տան մինչև բնակարանով ապահովելը»,-ասաց Հայրապետյանը։

Նար ներկայացմամբ՝ մյուս որոշմամբ, աղքատության 14 գործակցից բարձ ընտանիքներին տալու են 40-հազարականա դրամը, մյուսներին 10 հազարական, բայց այդ ծրագիրն արցախցիների կողմից չի ընդունվել, քանի որ հանրային քննարկման ժամանակ նրանք դեմ են արտահայտվել։

Ժորա Հայրապետյանը հայտնեց,որ Արցախում գույք են ունեցել և ավելի ճիշտ  և ընդունելի կլինի, որ այդ իրավունքները վեր հանվեն, հաշվարկեն և փոխհատուցում տան բռնագաղթածներին։

Նա նշեց, որ բնակապահովման ծրագրի առաջին փուլի շահառու են, քանի որ իր տատիկը հաշմանդամ է և զոհված զինծառայողի մայր, բայց անընդունելի է, որ ողջ Հայաստանում համաչափ չեն վճարում, որպեսզի նույն գումարով  ցանկացած վայրում բնակարան գտնեն։

«Մյուս կողմից էլ բնակարանային ծրագրի համարա կա նաև ՀՀ քաղաքացիության պահանջը։ Ես ունեն անձնագիր 070 կոդով, որտեղ նշված է ՀՀ քաղաքացի։ Բայց մեզ ստիպում են անձնագիրը փոխել, իսկ այն ավելորդ թղթաբանություն է, ծննդյան վկայական, ԶԱԳՍ-ի փաստաթուղթ է պետք, բայց արցախցիների մեծ մասը այն թողել է Արցախում, պետք է վերականգնվի, որը ժամանակատար է և ծախս է պահանջում»,- ասաց Արցախցին։

Նա նաև հայտնեց, որ բնակարանի համար դեռ չեն դիմել, քանի որ արցախցիների մի մասը դիմել է, բայց բանկերի կողմից մերժում են ստացել, քանի որ ասում են, թե վարկային լավ պատմություն չունեն, ընտանիքում թոշակառուը կա, վարկ չեն տրամադրում։

«Մենք էլ վախենում ենք այդ գործընթացը սկսել, քանի որ ընտանիքում թոշակառու կա և այդ վարկը չտրամադրեն։ Մայրս էլ չի աշխատում, տատս ու մայրս իմ խնամակալության տակ են և բանկը հաշվի է առնելու և մերժում է վարկ տրամադրի, քանի որ, ըստ որոշման, տրամադրվող գումարի 30 %-ը պետք է վարկ ձևակերպվի»,-մտահոգված ասաց Ժորան և շարունակեց. «Կառավարությունը որոշում է ընդունել ժողովրդին գցել պետական կառույցների դռները։ Մարդ կա՝ չի հասկանում այդ գործընթացից, պետք է փաստաբան վարձի, գնա այստեղ-այնտեղ։ Այդ որոշմամբ ավելի շատ խոչընդոտներ է առաջացնում։ Պետք է վկայականով նայեն գումարը հաշվին, փոխանցեն անձը գնա առուվաճառք ձևակերպի»։

Արցախցին նշեց, որ նոտարի գործերն էլ վճարովի ծառայություններ են և թանկ, իսկ կառավարությունը արտոնություն չի սահմանում։

Նա նաև նկատեց, որ Արցախի Ազգային Ժողովը որոշում էր ընդունել,որ կուտակային կենսաթոշակային ֆոնդի գումարները պետք է տրամադրվեն բռնագաղթածներին, բայց ՀՀ ԱԺ-ն էլ որոշում էր ընդունել, որ այդ կուտակայինները տեղափոխեն ՀՀ ֆոնդեր և երկու իրավական ակտ կա, որոնք իրար չեն համապատասխանում։

«Ես ուզում եմ, որ իմ կուտակայինը հիմա ինձ տան, ես ավելի ծայրահեղ վիճակում եմ։ Ես փախստականի կարգավիճակ ունեմ, ենթադրենք՝ չեմ ընդունում ՀՀ քաղաքացիություն և գնում եմ այլ պետություն, բա իմ կուտակած գումարների հարցն ինչպես է լինելու։ Այդ կուտակայինը, որ տրամադրեն՝ ժողովրդի վիճակը կարող է մի քիչ լավանա։ Իմը շատ չէ 180 հազար դրամ է, բայց կան որ ավելի շատ է այդ գումարը»,-հուսահատ նշեց արցախցին և եզրափակեց. «Ամեն ինչ արել են, որ մեզ վատ վիճակի մեջ գցեն։ Ապրիլ ամսից մենք հայտնվելու ենք դրսում, գնալու տեղ չունենք, որտեղ պետք է գնա՞նք ապրենք՝ սոցապ նախարարությա՞ն, կառավարությա՞ն շենքում, թե՞ մի վրան դնենք ապրենք»։

Աղբյուր` Panorama.am