Թրամփը առաջ է քաշում Գազան առանց պաղեստինցիների թեզը ինչը ցույց է տալիս, թե ինչ կարող է լինել 1.5 մլն ժողովրդի հետ նույնիսկ 21 դարում

Շատերը Հայաստանում նշում էին, որ 21 դարում այլևս չեն կարող կրկնվել այն իրադարձությունները, ինչ եղան 1915 թվականին:

Իբրև այն ժամանակվա իրադարձությունները տեղավորվում էին այն խաղի կանոնների հետ, որոնք հաստատված էին այն ժամանակահատվածում:

Այն, որ այս թեզը իրականության հետ կապ չուներ, մարդիկ հասկացան 2023-ին, երբ բոլորի աչքի առջև 120 հազար արցախցիներ ստիպված թողեցին իրենց տները և հեռացան իրենց հայրենիքից: Ընդ որում այս հարցն այսօր  փաստացի չի քննարկվում միջազգային հարթակում և բոլորի համար տեսանելի է, որ նույնիսկ 21 դարում նման բան հնարավոր եղավ:

Մյուս վառ օրինակը Գազայի խնդիրն է:

Իսրայելական ներխուժման արդյունքում այդ տարածքում սպանվեցին մոտ 50 հազար մարդ: Նշենք, որ սպանցածների 90 տոկոսը խաղաղ բնակչություն էր:

Թվում էր, թե այս վերջին զինադադարից հետո խաղաղությունը այս տարածքում կարող է վերականգնվել:

Խաղաղությունը իրոք կարող է վերականգնվել, սակայն առանց պաղեստինցիների:

Հիշեցնենք, որ մինչ այդ հակամարտությունը, այսինքն մինչ 2024-ի հոկտեմբերի 7-ը Գազայում ապրում էր ավելի քան 2 մլն մարդ:

Ինչպես նշեցինք, մոտ 50 հազարը սպանվեց, իսկ մնացած բնակչությունը տեղափոխվեց Եգիպտոսի սահմանին և սպասում է, թե ինչպես պիտի լուծվի իր ճակատագիրը:

Եվ ահա, ինչպես հայտնում է Deutsche Welle-ն, ԱՄՆ նախագահ Դոնալդ Թրամփը Air Force One-ի ինքնաթիռի մեջ շփվելով լրագրողների հետ նշել է, որ «... Կցանկանար, որ Եգիպտոսը, Հորդանանը և արաբական այլ երկրներ ընդունեն ավելի շատ պաղեստինցի փախստականներ Գազայի հատվածից պարզապես պատերազմից տուժած տարածքներում կարգուկանոն հաստատելու համար...»:

Խոսքը 1,5 միլիոն մարդու մասին է։ Ըստ Թրամփի, նա արդեն քննարկել է այդ հեռանկարը Հորդանանի թագավոր Աբդալլահ II-ի հետ հեռախոսազրույցում և այժմ պատրաստվում է այդ հարցը քննարկել Եգիպտոսի նախագահ Աբդել Ֆաթահ ալ Սիսիի հետ: Եվ ընդհանուր առմամբ, Թրամփը հասկացրել է, որ այս իրավիճակում ինքը կնախընտրի համագործակցել որոշ արաբական երկրների հետ՝ Գազայի հատվածից դուրս պաղեստինցի փախստականների համար բնակարաններ կառուցելու համար, «որտեղ նրանք, հավանաբար, կարող են ապրել խաղաղության մեջ թե՛ ժամանակավոր, թե՛ երկարաժամկետ հեռանկարում»։

Հիշեցնենք, որ արաբական երկրները կտրականապես նախկինում մերժել էին Գազայից ընդունել պաղեստինցիներին և միայն Իսրայելն էր առաջ քաշում այս գաղափարը:

Միջազգային դիտորդները նշում են, որ Թրամպի այս առաջարկը նախապես քննարկվել էր Իսրայելի վարչապետ Նաթանյահուի հետ և դրական աջակցություն ստացել նրա կողմից:

Իր հերթին, նույն դիտորդների կարծիքով Գազայից արաբների վտարումը նաև Թրամպի փեսա, ծագումով հրեա Ջարեդ Քուշներինն է, ով այս տարածքում նպատակ ունի կառուցել և հիմնել մի շարք բիզնեսներ:

Կհաջողվի իրագործել այս ծրագրերը թե ոչ, դժվար է ասել: Պարզապես ակնհայտ է, որ նույնիսկ 21 դարում հնարավոր է ծրագիր մշակել և մի ողջ 1.5 մլն բնակչություն  վտարել իր իսկ հայրենիքից:

Իսկ այս դրվագը առաջին հերթին պիտի հետաքրքրի մեր հանրությանը, որից շատերը դեռ չեն հավատում, որ 21 դարում կարող են կորցնել իրենց հայրենիքը և Հայաստանի տեղը հաստատվի «Արևմտյան Ադրբեջանի» նախագիծը:

Արտակ Հակոբյան