Սա ավանտյուրիստական քաղաքականություն է, երկիրը փորձադաշտ չէ. Արմինե Օհանյան (տեսանյութ)

«5-րդ ալիքի» «Օրագիր» ծրագրին տված հարցազրույցում «Հրապարակ» թերթի գլխավոր խմբագիր Արմինե Օհանյանը նշում է, որ Փաշինյանը Հայաստանի դեմ այս բոլոր պրոցեսները փորձում է վերբալ մակարդակում մանիպուլյացիաներով փաթեթավորել:
Հարցազրույցի հիմնական թեզերը.
Արդեն մեծ թվով մարդիկ չեն խաբվում, բացեք կայքերը, տեսեք, թե ինչ մեկնաբանություններ են գրում այս իշխանության հասցեին:
ՔՊ-ին միավորողը ընդհանուր կերակրատաշտն է, որի շուրջ հավաքված են, բայց նրանք էլ են մարդիկ եւ հասկանում են, որ իրենք կարող են պետության ու ժողովրդի կյանքում կործանարար հետեւանքներ թողնել:
Մարդիկ պատրաստ են սոված լինել, աղքատ լինել, բայց երկիրն ու սահմաններն անվտանգ լինեն:
Մեր ժողովուրդը համբերատար է, բայց երբ դանակը ոսկորին է հասնում, Աստված հեռու տանի այդ ժողովրդի զայրույթից, այդ օրը գալու է այս իշխանության համար:
Հայաստանում նոր երեւույթ է հայտնվել՝ խոսքի համար մարդկանց բանտ նետելը, ինչի՞ համար է նստած Արմեն Աշոտյանը կամ Մամիկոն Ասլանյանը, որը նստած է նրա համար, որ հաղթել է ընտրություններում:
Երբ դու երկիրը հասցրել ես այս վիճակին, պարզ է, որ մարդիկ պիտի հայհոյեն ու անիծեն:
Փաշինյանը սադրում է, անում է ամեն ինչ, որ իր Հայաստանի դաշնակիցը թշնամանա, նա կտրում է ճյուղը, որի վրա նստած է:
Մանրամասն՝ տեսանյութում: