Լավրովը հանդիպումներ կունենա Թուրքիայի և Ադրբեջանի ԱԳ նախարարների հետ

ՌԴ ԱԳ նախարար Սերգեյ Լավրովը ժամանել է Թուրքիա, հայտնում է ՏԱՍՍ-ը։ Նա Թուրքիայում մասնակցելու է Անթալիայի դիվանագիտական ֆորումին։ Միջոցառման շրջանակում Լավրովը բանակցություններ կվարի իր թուրք գործընկեր Հաքան Ֆիդանի հետ։

Նախարարները կքննարկեն հարցերի լայն շրջանակ, առաջին հերթին երկկողմ համագործակցության վիճակն ու փոխադարձ հետաքրքրություն ներկայացնող ոլորտներին (առևտուր, էներգետիկա, անվտանգություն, բանկային գործեր և զբոսաշրջություն) առնչվող հարցեր: Ֆորումի շրջանակում Լավրովը կունենա նաև մի շարք երկկողմ հանդիպումներ՝ Ադրբեջանի արտգործնախարար Ջեյհուն Բայրամովի, Ուզբեկստանի արտգործնախարար Բախտիյոր Սաիդովի, Ղրղզստանի արտգործնախարար Ջինբեկ Կուլուբաևի, ինչպես նաև Էսվատինի թագավոր Մսվաթի Երրորդի հետ։