Որեւէ երկրի Սահմանադրության նախաբան չի կորցնում իր ուժը. Ալվինա Գյուլումյան (հեսանյութ)
«5-րդ ալիքի» «Օրագիր» ծրագրին տված հարցազրույցում Սահմանադարական դատարանի անդամ Ալվինա Գյուլումյանը նկատել է. «Գործող Սահմանադրության լեգիտիմության մասին հայտարարությունը հիմնավոր չէ, այդ մասին խոսելը վկայում է հասարակության շրջանում հերթական անգամ ինստիտուտի հեղինակազրկման և հասարակության պառակտման փորձի մասին: Չգիտեմ որեւէ երկիր, որի արտաքին անվտանգությունը պայմանավորված լինի նրա Սահմանադրությամբ, Սահմանադրությունը երկրի ներքին իրավաքաղաքական փաստաթուղթն է:
Եթե Սահմանադրությունը կապվում է արտաքին անվտանգության հետ, կարող ենք եզրակացնել, որ Ադրբեջանը խնդիր է տեսնում Սահմանադրության նախաբանի մեջ»:
Հայտնի իրավաբանը նշել է, որ Անկախության Հռչակագիրը մեր ծննդյան վկայականն է, որով ասել ենք, թե ինչպիսի պետություն ենք ցանկանում կառուցել:
«Որեւէ երկրի Սահմանադրության նախաբան, անկախ նրանից, նոր Սահմանադրություն կլինի, թե հին, չի կորցնում իր ուժը»,-ընդգծել է Ալվինա Գյուլումյանը:
Նա նաև օրինակներ է նշել, որ երբ Լատվիան իր անկախությունը հռչակեց, հետ վերադարձավ քսաներեք թվականի Սահմանադրությանը, Ֆրանսիայի Սահմանադրական խորհուրդը ժամանակին որոշում ընդունեց, որով հիսունյոթ թվականի Սահմանադրությունը հիմք համարեց սահմանադրական վերահսկողության համար, ԱՄՆ-ի Սահմանադրությունը շուրջ երկու հարյուր տարուց ավելի է՝ գոյություն ունի, դա պետության շարունակականության մասին է վկայում:
Նա նաև նշել է, որ գործող Սամանադրությամբ ՀՀ սուվերեն սահմանները կարող են փոխվել միայն հանրաքվեի միջոցով: «Իշխող ուժի ծրագրում այլ բան է գրված, սա նշանակում է, որ ժողովրդին մոլորեցրել են, այստեղ լեգիտիմության խնդիր կա»,-նշել է Ալվինա Գյուլումյանը:
Նա նաև ընդգծել է, որ անգամ ՄԻԵԴ-ը ըմբռնումով է մոտեցել Սահմանադրության մեջ Հայ Առաքելական եկեղեցու դերակատարության արձանագրմանը:
«Նույնիսկ Խորհրդային Միությունը չկատարեց Թուրքիայի պահանջը եւ Հայաստանի Հանրապետության զինանշանից Մասիսը չհեռացվեց»,-շեշտել է Ալվինա Գյուլումյանը:
Հետևեք մեզ Facebook-ում