Ո՞ր մեկն է ստում. Միրզոյա՞նը, թե՞ Պապիկյանը

3 Նոյեմբեր, 2023 18:06

Դիտել նաև

Ըստ արևմտյան ԶԼՄ-ների՝ Զելենսկին մերժել է ԱՄՆ-ի խաղաղության առաջարկը, իսկ Թրամփը նշել է, որ այս հակամարտությունը կա՛մ կավարտվի, կա՛մ կտևի հավերժ Ինչի՞ շուրջ համաձայնության եկավ Դոնալդ Թրամփը Վլադիմիր Զելենսկու և եվրոպական լիդերների հետ Վաշինգտոնում Ինչո՞ւ է Դանիել Իոաննիսյանը իրազեկում քաղաքացիներին ԲԱՑԱՐՁԱԿ ՍՈՒՏ ԼՈՒՐԵՐ Իրանի հոգևոր առաջնորդն Ասադի իշխանության անկման մեջ մեղադրեց ԱՄՆ-ին, Իսրայելին և Թուրքիային Ի՞նչ քարտեզ էր ներկայացվել օրեր առաջ Անկարայում, որը մեծ աղմուկ էր առաջացրել Մոսկվայում

Խորհրդարանաի «Հայաստան» խմբակցության պատգամավոր Քրիստինե Վարդանյանը ֆեյսբուքյան գրառմամբ անդրադարձել է ԱԳ նախարար Միրզոյանի կողմից իր հարցին տված պատասխանին: Ընդդիմադիր պատգամավորը հրապարակել է Միրզոյանի թիմակից Սուրեն Պապիկյանից ստացած պաշտոնական պատասխան, որը հակասում է ԱԳ նախարարի ասածին:
Քրիստինե Վարդանյանը գրել է. «Այսօր` ի պատասխան իմ հարցին Արարատ Միրզոյանը նշեց, որ ՀՀ տարածքից Ադրբեջանի կողմից օկուպացված է շուրջ 200 քառ կմ տարածք:

Նույն բովանդակությամբ պաշտոնական գրավոր հարցում արել էի 2022 թ. դեկտեմբերին Սուրեն Պապիկյանին:

Ստորև տեղադրում եմ այդ հարցման պաշտոնական պատասխանը, որտեղ ասվում է, որ 2022 թ. դեկտեմբերի դրությամբ ՀՀ տարածքից օկուպացված է 139 քառ կմ տարածք:

Հատկանշական է, որ այդ թվերում ընդգրված չեն 2020 թ. ՀՀ տարածք ներխուժման հետևանքով օկուպացված տարածքները` մասնավորապես Գորիս-Կապան ճանապարհը, Սյունիքի դիրքերից ետ քաշման արդյունքում այլ տարածքների օկուպացիան:

Փաստ է, որ Հայաստանում իշխանության ղեկին գտնվողները անգամ հստակ չեն ֆիքսում թշնամու կողմից օկուպացված տարածքի չափը, սակայն մեզ բոլորիս փորձում են համոզել, որ ամեն ինչ անում են մեզ պաշտպանելու համար:

Միայն պատկերացնել կարելի է` ինչ տպավորություն են այս մարդիկ թողնում միջազգային դերակատարների հետ բանակցելիս»:
---
Մեր կողմից նկատենք. հարց է ծագում, թե փաշինյանական նախարարներից ո՞ր մեկն է ստում կամ ո՞ր մեկը չի տիրապետում թվերին. Միրզոյա՞նը, թե՞ Պապիկյանը: Իսկ հնարավո՞ր է, որ... ոչ մեկն էլ չի ստում, երկուսն էլ ճիշտ թիվ են ասում: Օրինակ, Պապիկյանը 2022-ի դեկտեմբերին ասել է, որ թշնամու կողմից օկուպացված է ՀՀ տարածքից 139 քառակուսի կմ: Բայց Արարատ Միրզոյանն էլ, կարելի է ասել՝ չի ստում, հայտարարելով, որ 2023թ. նոյեմբերի 3-ի դրույթամբ թշնամու կողմից օկուպացված է 200 քառ. կմ:
Այդ դեպքում, եթե երկուսն էլ չեն ստում, ստացվում է, որ այս տարվա 10 ամսվա ընթացքում կամ անցյալ տարվա դեկտեմբերից մինչև այս տարվա նոյեմբերի 2-ը թշնամին օկուպացրել է ՀՀ տարածքից ևս 61 քառակուսի կիլոմետր, պարզապես Փաշինյանի իշխանությունը դրա մասին չի հայտարարում, որպեզսի հանկարծ «տրամադրություններս չընկնի»: Կամ, միգուցե, դա այդպիսի ռազմական խորամանկույթուն է, չեն ասում, որ... թշնամին շշկռվի:
Zham.am