Փաշինյանական դատարանը որոշեց բանտում թողնել քաղբանտարկյալ, վատառողջ կնոջը

Փաշինյանական պատժիչ մեքենան, «ժողովրդավարության բաստիոնի» մարդակեր գիլեոտինը, հայատյաց ու մարդատյաց «ժողովրդավարական չաքուջը», որն անվանում են՝ դատարան, շարունակում է նորանոր ցածրունքներ նվաճել: Այսօր փաշինյանական դատարանը որոշեց բանտում թողնել քաղբանտարկյալ Տաթևիկ Վիրաբյանին (Տաթև Արցախ): Բացի այն, որ նրան ներկայացրած մեղադրանքը «մատից ծծած է» և գերազանցապես քաղաքական թիրախավորված հետապնդում է, ըստ էության, խոսքը առողջական խնդիրներ ունեցող կնոջը, պատերազմում զոհվածի քրոջ մասին է: Եվրոպաներում ինչ-որ երևակայական ժողովրդավարությունից ճառող ռեժիմը շարունակում է բանտարկումներով մարդկանց խոշտանգելու իր վայրենի գործելակերպը, ըստ որում, դա անում է, օրինակ, «մինուս 9» վարկանիշ (գուցե՝ հակավարկանիշ) ունեցող դատավորների միջոցով:
Եվ, եթե նախօրեին Եվրոպական խորհրդարանում հոտնկայս օին ծափահարում էին Նիկոլ Փաշինյանին, ապա ենթադրելի է, որ փաշինյանական ռեժիմի այս մի նոր «ձեռքբերման» առիթով եվրապատգամավորները կծափահարեն ցատկոտելով...
Panorama.am-ը փոխանցում է փաստաբան Արսեն Բաբայանի արձագանքը. «Վերաքննիչ քրեական դատարանի դատավոր Ռուբիկ Մխիթարյանը մերժեց Տաթևիկ Վիրաբյանի կալանավորման դեմ պաշտպանների ներկայցրած բողոքը։
Տաթևը կշարունակի մնալ բանտարկված․․․»։
Գրառմանը Բաբայանը կցել է դատավորի մի լուսանկար, որից պարզ է դառնում, այս դատավորը ըստ փաստաբանների գնահատականի՝ ունի զրոյից ցածր վարկանիշ՝ -9։
Հիշեցնենք, որ հոկտեմբերի 14-ի երեկոյան կտրուկ վատացել է Տաթևիկ Վիրաբյանի առողջական վիճակը։ Նա բանտախցում ուշագնաց է եղել։ Բժշկական միջամտությամբ Տաթևի վիճակը կայունացել է, նա գտնվում է քրեակատարողական հիմնարկի բժիշկների հսկողության տակ։
Տաթևիկ Վիրաբյանին ձերբակալել են սեպտեմբերի 21-ին։ Նրան ներկայացվել է զանգվածային անկարգության կոչեր հնչեցնելու և այդ անկարգություններին մասնակցելու մեղադրանք: