ՔՊ-ականներն ընդհատակ են անցել. ահ ու սարսափ է տիրում

«Ժողովուրդ» օրաթերթը գրում է. «Արցախի հարցով բանակցություններն ամբողջովին տապալելուց եւ Արցախը վերջնական հանձնելուց հետո ՔՊ-ականներն ընդհատակ են անցել: Չկան ո’չ ԱԺ-ում, ո’չ իրենց նախընտրական շտաբներում, ո’չ էլ վարչության նիստեր են անում:

Նիկոլ Փաշինյանը երբեմն ուղիղ եթեր է մտնում, փորձում է ինչ-որ արդարացումներ բերել Արցախի հարցը ձախողելու համար, իսկ ՔՊ-ականներն էլ սահմանափակվում են միայն ինքնիշխանության պահպանման մասին պաթետիկ գրառումներ անելով:

Ինչպես Նիկոլ Փաշինյանին եւ իր մյուս թիմակիցներին է բնորոշ, ցանկացած փոքր վտանգ զգալու դեպքում անհետանում են, մտնում ապահով վայրեր:

Իշխանականներն այնքան են վախեցած, որ երեկ՝ Հայաստանի անկախության օրն անգամ չհամարձակվեցին Եռաբլուր ոտք դնել.

«խիզախել» էին գնալ միայն տարեց ՔՊ-ականները՝ Հովիկ Աղազարյանը եւ Հակոբ Ասլանյանը, որոնք մեր քաղաքացիների ցասումին արժանացան, անգամ ապտակ ստացան ու հեռացվեցին Եռաբլուրից:

«Ժողովուրդ» օրաթերթի տեղեկություններով՝ ՔՊ ներսում իսկապես ահ ու սարսափ է տիրում, իշխանականներից շատերն անգամ վախենում են տանից դուրս գալ:

Իրականում ՔՊ-ականները լավ գիտակցում են, որ շատ վտանգավոր է այս գերլարված իրավիճակում հանրության մեջ դուրս գալը, այն էլ՝ վշտի մեջ գտնվող որդեկորույս ծնողների, բայց կարծել են, թե հանրությունը որեւէ հատուկ վերաբերմունք չունի Աղազարյանի եւ Ասլանյանի նկատմամբ, ուստի ուղարկել են նրանց «առաջնագիծ», իսկ վերջիններս ձախողեցին»:

Մանրամասները՝ թերթի այսօրվա համարում